ސައޫދީ އަރަބިއްޔާ އަށް ކަނޑައަޅުއްވާ ސަފީރުކަމަށް މުހައްމަދު ތޯހާ އައްޔަންކުރުމާ މެދު ގޮތެއް ކަނޑައެޅުމަށް މަޖިލީހަށް ފޮނުވައިފި
1 އެޕްރީލު 2024 | ހޯމަ 08:49އެ މައްސަލަ ދިރާކުރުމަށް މަޖިލީހުގެ ހާރިޖީ ގުޅުންތަކުގެ ކޮމިޓީ އަށް ވަނީ ފޮނުއްވާފައި
ފޮރިން މިނިސްޓްރީ
ސައޫދީ އަރަބިއްޔާ އަށް ކަނޑައަޅުއްވާ ސަފީރުކަމަށް މުހައްމަދު ތޯހާ އައްޔަންކުރުމާއި މެދު ގޮތެއް ކަނޑައެޅުމަށް މަޖިލީހަށް ފޮނުވައިފިއެވެ.
ދިވެހިރާއްޖޭގެ ޖުމްހޫރިއްޔާގެ ޤާނޫނުއަސާސީގެ 115 ވަނަ މާއްދާގެ (ދ) އާއި، ޤާނޫނު ނަންބަރު 20/2021 (ދިވެހިރާއްޖޭގެ ފޮރިން ސަރވިސްގެ ޤާނޫނު) ގެ 14 ވަނަ މާއްދާގައިވާ ގޮތުގެމަތިން، ބޭރު ޤައުމުތަކަށް ދިވެހިރާއްޖެއިން ކަނޑައަޅުއްވާ ސަފީރުން ހަމަޖެއްސެވުމަށްޓަކައި ރައީސުލްޖުމްހޫރިއްޔާ ފޮނުއްވާފައިވާ މައްސަލަ ދިރާސާކޮށް ނިންމުމަށް މައްސަލަ އާއި ގުޅޭ ދާއިމީ ކޮމިޓީ އަށް ފޮނުވުމަށް ނިންމީ ހޯމަ ދުވަހުއެވެ. ރައީސް ޑރ.މުއިއްޒު ފޮނުއްވި ސިޓީގައި ވިދާޅުވެފައި ވަނީ އަލްމަމްލަކަތުލް އަރަބިއްޔަތުއް ސޫދިއްޔާ އަށް ދިވެހިރާއްޖެއިން ކަނޑައަޅާ ސަފީރުކަަމަށް ނ.ހޮޅުދޫ އުފަންވެލި މުހައްމަދު ތޯހާ އައްޔަން ކުރުމާއި މެދު މެންބަރުން ދެކިވަޑައިގަންނަވާ ގޮތެއް އަންގަވާދެއްވުމަށް އެދިވަޑައިގަންނަވާފައެވެ. އޭނާގެ ނަން ސަފީރުކަމަށް ފޮނުއްވާފައި ވަނީ 26 މާރޗްގައެވެ. އަދި އެ ސިޓީ ހޯމަ ދުވަހުގެ ޖަލްސާގައި ވަނީ އިއްވަވާފައެވެ.
އެ މައްސަލަ ދިރާކުރުމަށް މަޖިލީހުގެ ހާރިޖީ ގުޅުންތަކުގެ ކޮމިޓީ އަށް ވަނީ ފޮނުއްވާފައެވެ.
