އަލޮންސޯ ގޮތް ނިންމައިފި، ހުންނާނީ ލެވަކޫސަންގައި

މިވަގުތު ޔޫރަޕުގައި ހުރި އެންމެ ޑިމާންޑް ބޮޑު ކޯޗު ޒަބީ އަލޮންސޯ އަންނަ ސީޒަނުގައި ހުންނާނީ ބަޔާން ލެވަކޫސްގައި ކަމުގައި ނިންމައިިފި އެވެ.

ސްޕޭނުގެ ކޯޗު މި ގޮތަށް ނިންމީ އޭނާ ހޯދުމަށް ޖަރުމަނުގެ ބަޔާން ލެވަކޫސަން އާއި އިނގިރޭސިވިލާތުގެ ލިވަޕޫލުން ވަރަށް ބޮޑަށް މަސައްކަތް ކުރަމުންދަނިކޮށެވެ.

އޭނާ ބުނީ ލެވަކޫސަންގައި އޭނާ ކުރަމުން އަންނަ މަސައްކަތް ނުނިމޭ ކަމަށާއި އޭނާ ބޭނުންވަނީ ޓީމަށް އެހީތެރިވެދީ މިހާރު ޓީމުގައި ތިބި ކުޅުންތެރިން އިތުރަށް ކުރިއަރުވަން ކަމަށެވެ.

އަލޮންސޯ ބުނީ ލިވަޕޫލާއި ބަޔާން މިއުނިކަކީ އޭނާއާ ގުޅުން އޮތް އަދި ވަރުގަދަ ދެ ކުލަބު ކަމަށާއި އެ ދެކުލަބުން އޭނާ އަށް ޝައުގުވެރިވުމުން އުފާކުރާ ކަމަށެވެ.

ބަޔާން އާއި ލިވަޕޫލް އަދި ރެއާލް މެޑްރިޑަށް ވެސް ކުޅުނު އަލޮންސޯ އަކީ ޔާގެން ކްލޮޕް މި ސީޒަނަށް ފަހު ވަކިވުމުން ލިވަޕޫލުން އެ ޓީމަށް ގެންނަން އެންމެ ބޭނުންވި ކޯޗެވެ. އަދި ބަޔާން މިއުނިކްގެ ކޯޗުކަމުން ތޯމަސް ޓުކެލް ވަކިވުމުން އެ ޓީމުގެ ވެސް އެއްވަނަ ހޮވުމަކީ އޭނާ އެވެ. ނަމަވެސް ލެވަކޫސަންގައި މަޑުކުރަން އޭނާ ނިންމުމުން ލިވަޕޫލްގެ މިހާރުގެ ކޯޗު ކްލޮޕް ވަނީ އެ ނިންމުމާދު ވާހަކަ ދައްކައިފަ އެވެ.

ޖަރުމަނުގެ ރިޕޯޓްތައް ބުނަނީ އަލޮންސޯގެ ނިންމުގައި ޖަރުމަނުގެ ކުރީގެ ނުފޫޒުގަދަ ތަރިންގެ ވިސްނުން ހިމެނޭ ކަމަށެވެ.