ޑިއާޒް ސްޕޭނުގައި ކުޅޭތަން ދެކެން ބޭނުން: ބައްޕަ
މި ސީޒަނަށް ފަހު ލިވަޕޫލްގެ މުހިންމު ތަރިން ޓީމު ދޫކޮށްލުން ގާތް
ލިވަޕޫލްގެ ލުއިސް ޑިއާޒް
ލިވަޕޫލަށް ކުޅެމުން އަންނަ ކޮލަމްބިއާގެ ފޯވަޑް ލުއިޒް ޑިއާޒް ސްޕޭނުގައި ކުޅޭތަން ދެކެން ބޭނުންވާ ކަމަށް އޭނާގެ ބައްޕަ ބުނެފި އެވެ.
އޭނާ ބުނީ ސްޕޭނުގެ ރެއާލް މެޑްރިޑާއި ބާސެލޯނާ ފަދަ ކުލަބެއްގެ ހުށަހެޅުން ލިބިއްޖެނަމަ އެއަށްވުރެ ސީރިއަސް ކަމެއް ނޯންނާނެ ކަމަށެވެ.
އޭނާ މިހެން ބުނެފައިވާއިރު ޑިއާޒް އަކީ ބާސެލޯނާއިން ފާރަލާ ކުޅުންތެރިއެކެވެ. އެކުލަބުގެ ޓެކްނިލް ޓީމުން ދެކޭ ގޮތުގައި ޑިއާޒް އަކީ ބާސެލޯނާ ކުޅޭ ސްޓައިލަށް ވަރަށް ފިޓްވާނެ ކުޅުންތެރިއެކެވެ.
ޑިއާޒް އަކީ 2022 ވަނަ އަހަރު ޕޯޓޯއިން 37 މިލިއަން ޕައުންޑަށް ލިވަޕޫލާ ކުޅުނު ކުޅުންތެރިއެކެވެ. އޭނާ ދަނީ އެ ޓީމުގައި މޮޅަށް ކުޅެމުންނެވެ.
ޑިއާޒް ސްޕޭނަށް ދިއުމުގެ ޝައުގުވެރިކަން ގެންގުޅޭއިރު މި ސީޒަނަށް ފަހު ލިވަޕޫލްގެ މުހިންމު ތަރިން ޓީމު ދޫކޮށްލުން ގާތްކަމަށް ބެލެވެ އެވެ. ސަބަބަކީ ކޯޗު ޔާގެން ކްލޮޕް މި ސީޒަނަށް ފަހު ލިވަޕޫލާ ވަކިވާތީ އެވެ. މިއާއެކު ކެޕްޓަން ވާޖިލް ވެންޑައިކް ވެސް ބުނެފައިވަނީ އޭނާގެ ކުރިމަގާމަދު ގޮތެއް ނިންމާނެ ކަމަށެވެ. އަދި ލިވަޕޫލަށް ކުޅޭ މިސުރުގެ ފޯވަޑް މުހައްމަދު ސަލާހަށް ސައޫދީ ކުލަބުތަކުން އަންނަނީ ބޮޑު އަގު ހުށަހަޅަމުންނެވެ.
ކްލޮޕްގެ ބަދަލުގައި ލިވަޕޫލަށް އަންނަ ކޯޗަކީ ގިނަ ކުޅުންތެރިންގެ ކުރިމަގާ ވަރަށް ބޮޑަށް ގުޅުން ހުންނާ ކަމެކެވެ.
