ޕްރޮސެކިޔުޓަރ ޖެނެރަލް ހުސައިން ޝަމީމަށް ހަމަލާދިން މައްސަލަ ތަހުގީގު ކުރަމުންދަނީ އެއީ ޝަމީމް އަވަހާރަކޮށްލުމަށް ދިން ޙަމަލާއެެއްގެ ގޮތުގައި ބަލައިގެންކަމަށް މައުލޫމާތު ލިބިއްޖެއެވެ.

ރާއްޖެއެމްވީއަށް މައުލޫމާތު ލިބިފައިވާ ގޮތުގައި މި މައްސަލަ މިހާރު އޮތީ ޑިއުޓީ ޕްރޮސެކިއުޝަން މަރުޙަލާގައެވެ. އަދި މި މައްސަލަ ތަހުގީގު ކުރަމުންދަނީ އެ ޙަމަލާއަކީ ޕީޖީ އަވަހާރަކޮށްލުމަށް ދިން ޙަމަލާއެއްކަމަށް ތުހުމަތު ކޮށްގެންނެވެ.  

މި މައްސަލައިގައި ޕްރޮސެކިއުޓަރ ޖެނެރަލް އޮފީހުން ފުލުހުންނާ މަޝްވަރާ ކުރަމުންދާކަމަށާއި، ޑިއުޓީ ޕްރޮސެކިއުޝަން ނިމުމުން ދައުވާކުރުމާމެދު ގޮތެއް ނިންމާނެކަމަށް ޕީޖީ އޮފީހުގެ އޮފިޝަލަކާ ރާއްޖެއެމްވީން ސުވާލުކޮށްލުމުން އޭނާ ވިދާޅުވިއެވެ.

މި މައްސަލައިގައި ތުހުމަތުވާ އެންމެންވެސް މިހާރު ތިބީ ޝަރީއަތް ނިމެންދެން ބަންދުކޮށްފައެވެ.