ރައްޔިތުންގެ މަޖިލީހުގެ އިންތިޚާބުގައި ވޯޓުދިނުމުގެ ޙައްޤު ލިބިފައިވާ މީހުންގެ ފައިނަލް ލިސްޓު ޢާންމުކޮށްފި
25 މާރިޗު 2024 | ހޯމަ 15:02ރާއްޖެއިން ބޭރުގައި ވޯޓު ފޮށި ބަހައްޓާ ޤައުމުތަކަކީ، އިންޑިއާގެ ޓްރިވެންޑްރަމް އާއި ސްރީލަންކާގެ ކޮލަމްބޯގެ އިތުރުން މެލޭޝިޔާގެ ކުއަލަލަމްޕޫރު
ރައްޔިތުންގެ މަޖިލީހުގެ އިންތިހާބުގައި ވާދަކުރާ ކެންޑިޑޭޓުންގެ ނަންތައް ތަރުތީބުކުރުމުގެ ތެރެއިން
ކުރިއަށް އޮތް އެޕްރިލް މަހުގެ 21 ވަނަ ދުވަހު ބޭއްވުމަށް ހަމަޖެހިފައިވާ ރައްޔިތުންގެ މަޖިލީހުގެ އިންތިޚާބުގައި ވޯޓުދިނުމުގެ ޙައްޤު ލިބިފައިވާ މީހުންގެ ފައިނަލް ލިސްޓު ޢާންމުކޮށްފިއެވެ.
އިލެކްޝަންސް ކޮމިޝަނުން ވަނީ ރީ-ރަޖިސްޓްރޭޝަންގެ މަރުހަލާ އަށް ފަހު ގެނައި ބަދަލުތަކާއި އެކު ފައިނަލް ވޯޓަރސް ލިސްޓު އިލެކްޝަންސް ގެޒެޓްކޮށް އެ ކޮމިޝަންގެ ރަސްމީ ވެބްސައިޓުގައި އާއްމުކޮށްފައެވެ. އެ ލިސްޓަށް ބަލާ ނަމަ މަޖިލިސް އިންތިޚާބުގައި ވޯޓުލެވޭނީ 284،663 މީހުންނަށެވެ. އެއީ 139،361 އަންހެނުންނާއި 145،302 ފިރިހެނުންނެވެ. މަޖިލީހުގެ އިންތިޚާބުގައި 93 ދާއިރާއަކަށް 369 ކެނޑިޑޭޓުން ވާދަކުރެއެވެ.
މަޖިލިސް އިންތިޚާބުގައި ޖުމްލަ 602 ވޯޓު ފޮށި ބަހައްޓާނެއެވެ. އޭގެ ތެރޭގައި ހިމެނެނީ މާލޭގައި 181 ފޮށި، ހުޅުމާލޭގައި 51 ފޮށި އަދި ވިލިމާލޭގައި 9 ވޯޓު ފޮށީގެ އިތުރުން އަތޮޅުތަކުގައި 319 ވޯޓު ފޮށްޓެވެ. މީގެ އިތުރުން ރާއްޖެއިން ބޭރުގެ 3 ޤައުމަކާއި، ރިސޯޓުތަކުގައި 34 ވޯޓު ފޮށި ހަމައެހެންމެ ޖަލުތަކުގައި 5 ފޮށި ބެހެއްޓުމަށް ވަނީ ހަމަޖެހިފައެވެ.
ރާއްޖެއިން ބޭރުގައި ވޯޓު ފޮށި ބަހައްޓާ ޤައުމުތަކަކީ، އިންޑިއާގެ ޓްރިވެންޑްރަމް އާއި ސްރީލަންކާގެ ކޮލަމްބޯގެ އިތުރުން މެލޭޝިޔާގެ ކުއަލަލަމްޕޫރެވެ.
