މާލެ ސަރަހައްދުގެ މިސްކިތްތައް ބަލަހައްޓަން ދިވެހިން ހޯދަނީ
ވަޒީފާއަށް އެދޭ ފަރާތްތަކުން 28 މަރޗް ގެ މެންދުރު 1 ގެ ކުރިން ފޯމު ހުށަހެޅުމަށް ސިޓީ ކައުންސިލުން އެދޭ
މާލޭގެ މިސްކިތެއް
މާލެ އަދި ހުޅުމާލޭގެ މިސްކިތްތައް ފޮޅާ ސާފުކޮށް ބެލެހެއްޓުމަށް ދިވެހިން ހޯދަން މާލެ ސިޓީ ކައުންސިލުން އިއުލާންކޮށްފިއެވެ.
އެކައުންސިލުން ކޮށްފައިވާ އިއުލާނެއްގައި ބުނެފައިވަނީ މާލެ އަދި ހުޅުމާލޭގެ މިސްކިތްތައް ފޮޅާ ސާފުކޮށް ބެލެހެއްޓުމަށާއި، ސުޕަރވައިޒްކޮށް ބެލެހެއްޓުމުގެ އިތުރުން މިސްކިތްތައް މަރާމާތުކުރުމަށާއި މިސްކިތްތަކުގައި ދިމާވާ އެކިއެކި މައްސަލަތައް ހައްލުކުރުމަށް ދެ ޖިންސުގެ ދިވެހި މުވައްޒަފުން ހޯދަން ބޭނުންވާކަމަށެވެ.
މިގޮތުން އިއުލާންކޮށްފައިވަނީ:
ވަޒީފާއަށް އެދޭ ފަރާތްތަކުން 28 މަރޗް ގެ މެންދުރު 1 ގެ ކުރިން ފޯމު ހުށަހެޅުމަށް ސިޓީ ކައުންސިލުން އެދެއެވެ.
މާލެ ސިޓީގެ މޭޔަރ އާދަމް އެކްސްގައި ކުރެއްވި ޕޯސްޓެއްގައި ވިދާޅުވީ މިއީ މިސްކިތްތައް ބަލަހައްޓަން ދިވެހި މުވައްޒަފުން ހޯދުމަށް އިއުލާންކުރި ތިން ވަނަ ފަހަރުކަމަށެވެ. ވީހާވެސް ގިނަ ދިވެހި މުވައްޒަފުން މިވަޒީފާތަކަށް ނިކުތުމަށް އާޒިމް އެދިވަޑައިގެންނެވިއެވެ.
