ރައްޔިތުންގެ މަޖިލިސް އިންތިޚާބު: ރީ-ރެޖިސްޓަރ ކުރީ 10،000 މީހުން
17 މާރިޗު 2024 | އާދީއްތަ 07:49ސުންގަޑި ހަމަވިއިރު 11،169 މީހުން ރީ ރަޖިސްޓަރ ކުރުމަށް ހުށަހަޅާފައިވޭ
ލައިޝާ އަހްމަދު | 17 މާރިޗު 2024 | އާދީއްތަ 07:49
އިލެކްޝަންސް ކޮމިޝަން
ކުރިޔަށް އޮތް ރައްޔިތުންގެ މަޖިލީހުގެ އިންތިޚާބުގައި ވޯޓުލާން ރަޖިސްޓަރީވެފައިވާ ރަށް ނޫން އެހެން ތަނެއްގައި ވޯޓުލުމަށްޓަކައި ރަޖިސްޓަރީވުމުގެ ފުރުޞަތު ހަމަވިއިރު، ރީ ރަޖިސްޓަރ ކޮށްފައިވަނީ 10،000 މީހުންކަމަށް އިލެކްޝަންސް ކޮމިޝަނުން ބުނެފިއެވެ.
ވޯޓުލާން ރަޖިސްޓަރީވެފައިވާ ރަށް ނޫން އެހެން ތަނެއްގައި ވޯޓުލުމަށްޓަކައި ރަޖިސްޓަރީވުމުގެ ފުރުޞަތު މާރިޗު 16 ވާ ހޮނިހިރު ދުވަހުގެ މެންދުރު 3ގެ ނިޔަލަށް ވަނީ ހަމަވެފައެވެ.
އީސީން މައުލޫމާތު ދޭ ގޮތުގައި ސުންގަޑި ހަމަވިއިރު 11،169 މީހުން ރީ ރަޖިސްޓަރ ކުރުމަށް ހުށަހަޅާފައިވެއެވެ.
އޭގެ ތެރެއިން 1141 ފޯމު ރިޖެކްޓްވެފައިވާއިރު، ރީ-ރަޖިސްޓަރ ކުރެވިފައިވަނީ 10،028 މީހުންނެވެ.
