‎‏ކަނޑުމަގުން ގެނައި އިންސާނީ އެހީގެ ފުރަތަމަ ޝިޕްމަންޓް ޣައްޒާއަށް ބާލައިފި‏

އިސްރާއީލްގެ އުދުވާނީ ހަމަލާތަކުގައި ޣައްޒާގައި ހާލުގައި ޖެހިފައިވާ ރައްޔިތުންނަށް އިންސާނީ އެހީގެ ގޮތުގައި ކަނޑުމަގުން ގެނައި ފުރަތަމަ ޝިޕްމެންޓް ޣައްޒާއަށް ބާލައިފިއެވެ.

އެމެރިކާގެ ޗެރިޓީއަކުން ހޮނިހިރު ދުވަހު ބުނީ ހަނގުރާމައިގެ ސަބަބުން ހާލުގައި ޖެހިފައިވާ ޣައްޒާގައި ހަރަކާތްތެރިވާ އެ ޓީމުން، ‎‎ކަނޑުގެ އެހީގެ ފުރަތަމަ ޝިޕްމަންޓް އަންލޯޑްކޮށް ނިމިފައިވާ ކަމަށެވެ.‎

‎ވޯލްޑް ސެންޓްރަލް ކިޗަން އިން ނެރުނު ބަޔާނެއްގައި ބުނީ ހުރިހާ މުދަލެއް އަންލޯޑްކޮށް ޣައްޒާގައި ބެހުމަށް ތައްޔާރުވަމުން އަންނަ ‎‎ކަމަށާއި އެ އެހީއަކީ ގާތްގަނޑަކަށް 200 ޓަނުގެ ކާބޯތަކެތި ކަމަށެވެ.‎

‎އިރުމަތީ މެޑިޓެރޭނިއަން ހުރަސްކޮށް ކަނޑުމަތީގެ އެހީގެ އާ މަގެއް ފެށުމުގެ ގޮތުން ސައިޕްރަސް އިން ދަތުރުކުރުމަށް 240 ޓަނުގެ ‎‎ކާބޯތަކެތީގެ ދެވަނަ ބޯޓެއްވެސް ހުސްކުރުމަށް އެ ޖަމާއަތުން ދަނީ ތައްޔާރު ކުރަމުންނެވެ.‎

‎އިންސާނީ އެހީތެރިކަން ފޯރުކޮށްދިނުމުގެ މި މަސައްކަތަކީ ޣައްޒާއަށް އދ.ގެ ފަރާތުންނާއި އެހީތެރިކަން ފޯރުކޮށްދޭ އެހެނިހެން ފަރާތްތަކުގެ ‎‎ފަރާތުން ޣައްޒާއަށް ކުރިމަތިވެފައިވާ ކާބޯތަކެތީގެ ދަތިކަން ކުޑަކުރުމުގެ ގޮތުން ކުރަމުންދާ މަސައްކަތެކެވެ.‎

‎"އެ ޝިޕްމަންޓުގެ ތެރޭގައި ބީންސް، ކެރެޓް، ކޭންޑް ޓޫނާ، ޗޮކްލާ، ކޭންޑް ކޯން، ޕާބޮއިލްޑް ރައިސް، ފުށް، ތެޔޮ އަދި ލޮނު ފަދަ ބަލްކް ‎‎ޕްރޮޑަކްޓްތަކުގެ ޕެލެޓްތައް ހިމެނޭ،" ވޯލްޑް ސެންޓްރަލް ކިޗަން އިން ބުންޏެވެ.‎

‎އަދި ދެވަނަ ޝިޕްމަންޓުގައި ޑެލިވަރީކުރުމުގައި އެހީތެރިވުމަށް ފޯކްލިފްޓަކާއި ކެރޭނެއް ވެސް ހިމެނޭނެ ކަމަށް އެ ކުންފުނިން ބުންޏެވެ.‎

‎ހިއުމެނިޓޭރިއަން ގްރޫޕުން ބުނީ އެމީހުންގެ ދެވަނަ ބޯޓާއި ފަޅުވެރިންގެ އުޅަނދަށް ފުރޭނެ ދުވަހެއް އަދި ނޭންގޭ ކަމަށެވެ.‎

‎ސްޕެއިންގެ ޗެރިޓީ އެއް ކަމަށްވާ އޯޕަން އާމްސް އިން އޮޕަރޭޓްކުރާ ފުރަތަމަ އުޅަނދު އައިސްފައިވާކަން އިސްރާއީލުގެ އަސްކަރިއްޔާއިން ‎‎ހުކުރު ދުވަހު ކަށަވަރުކޮށްދީފައިވާއިރު، އެ ސަރަހައްދު ރައްކާތެރިކޮށް ސެކިއުރިޓީ އިންސްޕެކްޝަނެއް ހެދުމަށް ސިފައިން ‎‎ހަރަކާތްތެރިވަމުންދާ ކަމަށް އިޒްރޭލުގެ އަސްކަރިއްޔާއިން ބުނެއެވެ.‎

‎މި އެހީ ފޯރުކޮށްދިނުމަށް ވޯލްޑް ސެންޓްރަލް ކިޗަން އަށް ޖެހުނީ ޣައްޒާ ސިޓީގެ ހުޅަނގު ދެކުނުން ޖެޓީއެއް އެޅުމަށެވެ.‎

‎ޣައްޒާގައި ހަނގުރާމަ ފެށުނީ އޮކްޓޯބަރު މަހުގެ 7 ވަނަ ދުވަހު ހަމާސް އިން އިސްރާއީލުގެ ދެކުނުގެ ސަރަހައްދަށް ދިން ހަމަލާއެއްގައި ‎‎ގާތްގަނޑަކަށް 1،160 މީހުން މަރުވުމާއި ގުޅިގެންނެވެ.‎

‎އެހަމަލާއަށްފަހު އިސްރާއީލުން ބަދަލުހިފުމުގެ ގޮތުން ހިންގި އަސްކަރީ ކެމްޕޭނުގައި މިހާތަނަށް ޣައްޒާގައި 31،490 މީހުން ޝަހީދުވެފައިވާ ‎‎ކަމަށާއި އޭގެ ތެރޭގައި ގިނައީ އަންހެނުންނާއި ކުޑަކުދިން ފަލަސްތީނުގެ ސިއްހަތާ ބެހޭ ވުޒާރާއިން ބުނެއެވެ.‎

‎އިޒްރޭލުގެ ސަލާމަތީ ކަންކަން ބެލެހެއްޓުމާއި ލޮޖިސްޓިކް ހުރަސްތަކުގެ ސަބަބުން ޣައްޒާއަށް އޯވަލޭންޑް އެހީ ފޯރުކޮށްދިނުން ‎‎ލަސްވަމުންދާތީ، ގައުމުތަކުން ވަނީ އެއާޑްރޮޕްތަކާއި އާ މެރިޓައިމް ކޮރިޑޯ ފަދަ އެހެން ގޮތްތައް ކުރިއަށް ގެންގޮސްފައެވެ.‎

‎ވޯލްޑް ސެންޓްރަލް ކިޗަންގެ ބާނީ ހޯސޭ އަންދްރޭސް ހުކުރު ދުވަހު ސޯޝަލް މީޑިއާ ޕްލެޓްފޯމް އެކްސްގައި ވިދާޅުވީ ފުރަތަމަ ‎‎ޝިޕްމަންޓަކީ ޓެސްޓެއް ކަމަށާއި ކޮންމެ ހަފުތާއަކު އެތައް ހާސް ޓަނެއް ގެނެވިދާނެ ކަމަށެވެ.‎