ވިދިވިދިގެން ހަތް ސީޒަނުގައި 20 ގޯލު ޖެހި ލިވަޕޫލްގެ ފުރަތަމަ ކުޅުންތެރިއަކީ މުހައްމަދު ސަލާހް ކަމުގައިވެއްޖެ އެވެ.
އޭނާ މި ރެކޯޑް ހެދީ ޔޫރޮޕާ ލީގުގައި ރޭ ސްޕާޓާ ޕްރާގް އަތުން 6-1އިން މޮޅުވި މެޗުގަ އެވެ.
މެޗަށް ފަހު ލިވަޕޫލްގެ ކޯޗު ޔާގެން ކްލޮޕް ވަނީ ސަލާހަށް ވަރަށް ބޮޑަށް ތައުރީފްކޮށްފަ އެވެ. އޭނާ ބުނީ ސަލާހް ދަނީ ކުރިއަރަމުން، އޭނާގެ ފެންވަރު ދައްކަމުން ކަމަށެވެ.
އަހަރެން އޭނާއާއެކު މިވީ ހަތް އަހަރުތެރޭގައި ނުފެންނަ ކަމަކީ އޭނާގެ ކޮންސިސްޓެންސީ ގެއްލިގެންދާތަން. އޭނާ އަބަދުވެސް ގޯލު ޖަހާނެ، އަބަދުވެސް ކުރިއަރާނެ، އޭނާ އިންޖަރީ ނުވެ ހުރިނަމަ މިހާރު ފެންނަ ކުޅުން ދައްކާނެކަން ޔަގީން މިދިޔަ ޖެނުއަރީ އަދި ފެބްރުއަރީގައި ވެސްކްލޮޕް
ޖެނުއަރީ މަހު މިސުރުގެ ގައުމީ ޓީމަށް ކުޅެނިކޮށް ލިބުނު އަނިޔާއިން ރަނގަޅުވެގެން ފުރަތަމަ 11ގައި ކުޅުނު ފުރަތަމަ މެޗުގައި ގޯލު ޖަހައި ސަލާހް މޮޅަށް ކުޅުނުއިރު އޭނާ މުޅީން ފިޓެއްނޫނެވެ. ނަމަވެސް ކްލޮޕް ބުނީ މެޗު ކުޅުވައިގެން ސަލާހް އެންމެ ފުރިހަމަ ފިޓްނަސްއަށް ގެނައުމަކީ އޭނާގެ ވާޖިބެއް ކަމަށެވެ.
ޕްރެމިއާ ލީގުގައި ބާކީ އޮތީ ވަރަށް މުހިންމު 10 މެޗު. އޭނާގެ މުހިންމުކަން މި މެޗުގައި ވަރަށް ބޮޑުވާނެ. ޓީމަކަށް ލިބޭނެ އެންމެ ބޮޑު ހިތްހަމަޖެހުމަކަށްވާނީ އެ ޓީމުގައި ހުންނަ އެންމެ އިތުބާރު ކުޅުންތެރިޔާ ފިޓްކޮށް ހުރުންކްލޮޕް
ޕްރެމިއާ ލީގުގެ ތައްޓަށް ވާދަކުރަނީ ލިވަޕޫލާއި މެންޗެސްޓާ ސިޓީ އާއި އާސެނަލް އެވެ. މި ތިން ޓީމު ވެސް ވަނީ ޕޮއިންޓްގެ ގޮތުން ހަމަހަމަވެފަ އެވެ.
