ޕެނަލްޓީގައި ޕޯޓޯ ބަލިކޮށް، އާސެނަލް ކުއާޓާ ފައިނަލަށް

ޔުއެފާ ޗެމްޕިއަންސް ލީގުގެ ކުއާާޓާ ފައިނަލްގެ ދެ ވަނަ ލެގުގައި ޕެނަލްޓީ ޖަހައިގެން ޕޯޓޯ ބަލިކޮށް، އާސެނަލް އިން މުބާރާތުގެ ކުއާޓާ ފައިނަލުން ޖާގަ ހޯދައިފި އެވެ.

މި ދެ ޓީމު ޕޯޓޯގެ އަމިއްލަ ދަނޑުގައި ކުޅުނު ފުރަތަމަ ލެގުގެ މެޗު ކާމިޔާބު ކުރީ ޕޯޓޯ އިންނެވެ. އެ މެޗުން ޕޯޓޯ މޮޅުވެފައި ވަނީ ވެސް ފަހު ވަގުތު ޖެހި ލަނޑުންނެވެ. އެހެންކަމުން އަންގާރަ ދުވަހުގެ ރޭ، އާސެނަލްގެ އަމިއްލަ ދަނޑުގައި އެ ޓީމަށް އޮތީ މޮޅުވާން މަޖުބޫރުވެފަ އެވެ.

މެޗުގައި އާސެނަލުން ވަނީ ލަނޑު ޖަހައި، އެގްރިގޭޓު ނަތީޖާ ހަމަހަމަ ކޮށްފަ އެވެ. މެޗުގެ ފުރަތަމަ ހާފުގެ 41 ވަނަ މިނެޓުގައި އާސެނަލަށް ލީޑު ނަގައިދިނީ ލިއާންޑްރޯ ޓްރޮސާޑް އެވެ. އޭނާ އެ ލަނޑު ޖަހަން ފުރުސަތު ތަނަަވަސްކޮށްދިނީ މާޓިން އޮޑެގާޑް އެވެ. މެޗުގެ ފުރިހަމަ ވަގުތު ހަމަވީއިރު، ދެ ޓީމުގެ އެގްރިގޭޓް ނަތީޖާ އެއްވަރުވުމުން އިތުރު ވަގުތުގެ ދެ ހާފު ވަނީ ކުޅެފަ އެވެ. އެ ދެ ހާފުގައި އެއްވެސް ޓީމަކަށް ލަނޑެއް ނުޖެހުމުން، ނަތީޖާ ނެރުމަށް ޖެހީ ޕެނަލްޓީ އެވެ.

ނަތީޖާ ނެރުމަށް ޖެހި ޕެނަލްޓީގައި އާސެނަލްގެ އޮޑެގާޑް، ކައި ހަވާޓްޒް، ބުކާޔޯ ސަކާ އަދި ޑެކްލަން ރައިސް ވަނީ ޕެނަލްޓީތައް ކާމިޔާބު ކޮށްފަ އެވެ. ޕޯޓޯ އަށް ކާމިޔާބު ކުރެވުނީ އެންމެ ދެ ޕެނަލްޓީ އެވެ. އެއީ ޕެޕޭ އަދި މާކޯ ޖުރިޗިކްގެ ޕެނަލްޓީ އެވެ. ޕޯޓޯގެ ވެންޑެލް އަދި ގަލެނޯގެ ޕެނަލްޓީ ވަނީ ނާކާމިޔާބުވެފަ އެވެ.