މެންޗެސްޓަރ ޔުނައިޓެޑަށް ކުޅެމުން އަންނަ ފޯވަޑް އަމަޑް ދިއާލޯ ރޯދަ މަހު ސޯޝަލް މީޑިއާ ބޭނުން ކުރުން ހުއްޓާލައިފި އެވެ.
އައިވަރީ ކޯސްޓްގެ 21 އަހަރުގެ ފޯވަޑް ބުނީ ސޯޝަލް މީޑިއާގެ ވަސީލަތްތައް ބޭނުން ނުކުރަން ނިންމީ ރޯދަމަހުގެ ބޭނުން އެންމެ ފުރިހަމަގޮތުގައި ހިފުމަށް ކަމަށެވެ.
އަހަރެން ސޯޝަލް މީޑިއާތައް ޑީއެކްޓިވޭޓްކޮށްފިން ރޯދަ މަހަށް. މިކަމާ ހިތްހަމަނުޖެހޭ މީހުންގެ ކިބައިން މައާފަށް އެދެން. އަހަރެން ގޯސްކަމެއް ނުކުރަން. މިއީ ވަރަށް މާތް މައްސަރެއް. ސޯޝަލް މީޑިއާއަކީ ވަރަށް ގޯސްކަންކަން ހިނގާތަނެއް، އެކަންކަން މި މައްސަރުގައި ފެންނާކަށް ބޭނުމެއްނުވޭޑިއާލޯ
ޑިއާލޯ އަކީ ގަވާއިދުން އުމްރާވެ، ސަދަގާތްކޮށް އުޅޭ މުސްލިމް ކުޅުންތެރިއެކެވެ. ސޯޝަލް މީޑިއާގައި އޭނާ ފޮލޯ ކުރާ 1.3 މިލިއަން މީހުން އެބަތިއްބެވެ.
އައިވަރީ ކޯސްޓްގެ ގައުމީ ޓީމަށް ވެސް ކުޅެމުން އަންނަ ޑިއާލޯ ބުނީ ރޯދަމަހު އޭނާ ބޭނުންވަނީ ގިނަވަގުތު އަޅުކަމުގައި ހޭދަކުރުމަށް ކަމަށެވެ.
ޕްރެމިއާ ލީގުގެ ވަރަށް ގިނަ ކުޅުންތެރިން ރޯދަމަހު މެޗުތައް ކުޅެނީ ރޯދައަށްތިބެ އެވެ. މިހެންވެ މުސްލިމް ކުޅުންތެރިން ރޯދަ ވީއްލުމަށް މެޗުތައް މެދުކަނޑާލައި އެއް މިނިޓާއި ތިން މިނިޓްގެ ވަގުތުކޮޅެއް ހުސްވި ސީޒަނުގައި ދީފައިވެ އެވެ. މި ސީޒަނުގައި އެގޮތަށް އަމަލުކުރާނެ ކަމަށް ވަނީ ބެލެވިފަ އެވެ.
