ބެންކޮކްގެ ސުވަރުނަބޫމީ އެއާޕޯޓުން ފުރަން އުޅު އިންޑިޔާގެ ހަމީހުންގެ ލަގެޖުން، ވަގަށް ބޭރުކުރަން އުޅުނު ޖަނަވާރު ތަކެއް ފެނި އެމީހުން ހައްޔަރު ކޮށްފިއެވެ. މިމީހުން އިންޑިޔާގެ މުމްބާއީ އަށް ވަގަށް ގެންދަން އުޅުނު ޖަނަވާރު ތަކުގެ ތެރޭގައި "އެންޑޭންޖަރޑް" ބާވަތެއް ކަމަށްވާ ރެޑް ޕެންޑާއެއް ގެ އިތުރުން ހަރުފަ،ގުރާ،ލިޒަރޑް އަދި އެހެންވެސް ބާވަތްތައް ހިމެނޭ ގޮތުން 87 ޖަނަވާރު ގެންދަން އުޅުނު ކަމަށް ތައިލަންޑްގެ ކަސްޓަމް އޮފިޝަލުން މައުލޫމާތު ދީފައި ވެއެވެ.
މިކުށް މިމީހުންގެ މައްޗަށް ސާބިތުވެއްޖެ ނަމަ 10 އަހަރުގެ ޖަލުހުކުމެއް އަންނާނެއެވެ.
ތައިލަންޑްގެ ކަސްޓަމްސް އޮފިޝަލުން ވަނީ ބާސެޓަކަށް ލާފަ އިން ރެޑް ޕެންޑާގެ ފޮޓޯއެއް ހާމަ ކޮށްފައެވެ. ޕެރޮޓް ތައް ޕްލާސްޓިކް ކޮންޓެއިނަރުގައި ހުރިއިރު ހަރުފަތައްހުރީ ފޮތި ކޮތަޅު ތަކެއްގަ ކަމަށް ވެއެވެ.
ތައިލަންޑަކީ ވަގަށް ޖަނަވާރު ސްމަގްލް ކުރާ ފަރާތްކުން ބޭނުންކުރާ މައި ޓްރާންސިޓް ހަބެއް ކަމަށް ވެއެވެ. މިތަކެތި އާންމުކޮން ވިއްކަނީ ޗައިނާ އަދި ވިއެޓްނާމަށް ނަމަވެސް އިންޑިޔާވެސް މިހާރު ވަނީ މިފަދަ ޖަނަވާރު ތަކަށް ކުރިއަރަމުން އަންނަ މާކެޓަކަށް ވެފައެވެ.
