މުޅި ދުނިޔޭގައި ފެތުރެމުންދާ ކޮވިޑް-19އާ ގުޅިގެން މަޝްހޫރު ލަވަކިއުންތެރިޔާ މެޑޯނާ ފްރާންސްގައި ބާއްވަން އުޅުނު ޝޯވ ކެންސަލްކޮށްފިއެވެ.

މީޑިއާތަކުގައި ރިޕޯޓުކޮށްފައިވާ ގޮތުގައި މެޑޯނާ ބާއްވަން އުޅުނު ''މެޑަމް އެޗްސް ކޮންސަރޓްސް'' ކެންސަލްކޮށްފައެވެ. އަދި މިޝޯވ ކެންސަލް ކުރީ ކޮވިޑް-19 ގެ ސަބަބުން ފްރާންސްގައި އެއްވުންތައް މަނާކޮށްފައިވާތީއެވެ.

މަޑޯނާގެ ޝޯވތަކަކީ ގިނަ ބައެއްގެ މެދުގައި މަގުބޫލް ޝޯވތަކެވެ.

މެޑޯނާގެ އޮފިޝަލް ވެބްސައިޓުގައި ބުނެފައިވަނީ މާރޗް 10 އަދި 11 ގައި ޕެރިސްގައި ބާއްވަން ނިންމާފައިވާ ދެ ކޮންސަރޓް ވެސް ކެންސަލް ކުރެވިފައިވާ ކަމަށެވެ. އަދި ޕެރިސްއަކީ މަޑޯނާގެ ޓުއަރގައި އެންމެ ފަހު މަންޒިލް ކަމަށްވާއިރު، އޭނާ މި ޓުއަރ ފައްޓާފައިވަނީ މިދިޔަ އަހަރު ސެޕްޓެންބަރު މަހުއެވެ.

ކޮވިޑް-19 ފެތުރެމުންދާތީ ގިނަ ޝޯވތަކާއި، ގިނަ އިވެންޓްތައް ދަނީ ކެންސަލް ކުރަމުންނެވެ.