ފޯވަޑް މުހައްމަދު ސަލާހް ލައްވައި ކުޅުވުމާމެދު ލިވަޕޫލް އާއި އޭނާގެ ގައުމު، މިސުރުގެ ފުޓްބޯލް އެސޯސިއޭޝަނުގެ މެދުގައި ކޯޅުން އިތުރުވެއްޖެ އެވެ.
މައްސަލަ ޖެހިފައިވަނީ ސަލާހް އަނިޔާގައި ހުރުމުންނެވެ. މި އަނިޔާގެ ސަބަބުން ލިވަޕޫލްގެ މުހިންމު މެޗުތަކެއް މިހާރު ވެސް އޭނާ އަށް ވަނީ ގެއްލިފަ އެވެ. ޖެނުއަރީ މަހު އޮތް އެފްރިކާ ކަޕުގައި މިސުރަށް ކުޅެނިކޮށް އަނިޔާވި ފަހުން މުޅިން ފިޓްނުވާތީވެ، މިހާތަނަށް އޭނާ އަށް ކުޅެވުނީ ލިވަޕޫލްގެ އެންމެ ދެ މެޗުގަ އެވެ.
ސީޒަނުގެ މުހިންމު މެޗުތަކެއް ކުރިއަށް އޮތުމާއެކު ލިވަޕޫލުން މިސުރުގެ އެފްއޭގައި އެދުނީ މާޗު މަހު އެ ގައުމުން ކުޅޭ އެކުވެރިކަމުގެ މެޗުތަކުގައި ސަލާހް ލައްވައި ނުކުޅެވުމަށެވެ.
ނަމަވެސް މި ސުރު އެފްއޭގެ ބޯޑު މެންބަރު އީހަބް އަލް ކޯމީ ވިދާޅުވީ ލިވަޕޫލަށް ކުޅޭނަމަ ސަލާހް ލައްވައި ގައުމީ ޓީމަށް ކުޅުވަން ބޭނުންވާ ކަމަށެވެ.
ކޯޗިން ސްޓާފުންނާއި، މިސުރުގެ އެފްއޭ އާއި ސަޕޯޓަރުން ސަލާހްގެ ރައްކާތެރިކަމަށް އިސްކަންދޭނެ. އޭނާ 100 ޕަސެންޓް ފިޓްނުވާނަނަމަ އޭނާ ލައްވައި ކުޅުވުމާމެދު ގައުމީ ޓީމުގެ ކޯޗިން ޓީމުން ވިސްނާނެއީހަބް
ގައުމީ ޓީމުގެ މެޗުތައް އޮތީ މާޗުގެ ފަހުބައިގައި ކަމަށްވުމުން މިކަމާމެދު ގޮތެއް ނިންމާނީ އެންމެ ފަހު ވަގުތު ކަމަށް ވެސް އޭނާ ވިދާޅުވި އެވެ. އަދި ސަލާހް ފިޓްނަމަ އޭނާ ގައުމީ ޖާޒީގައި ފެނުމަށް ސަޕޯޓަރުން ވަރަށް ބޮޑަށް އެދޭކަން ވެސް އީހަބް ފާހަގަ ކުރެއްވި އެވެ.
ގައުމީ ޓީމުގެ މެޗުތައް ޖެހޭއިރު ސަލާހް ލިވަޕޫލަށް އެއްވެސް މެޗެއް ކުޅެފިނަމަ އޭނާ ލައްވައި ކުޅުވަން އަހަރުމެން ތައްޔާރު. އަހަރުމެން ބޭނުމެއްނުވޭ މިކަން ބޮޑު ކަންތައްގަނޑަކަށް ހަދާކަށް. އެކަމަކު މިސުރު އެފްއޭ އާއި ސަޕޯޓަރުން ވެސް މިޅު ކުޅުންތެރިން ކުޅޭތަން ފެންނަން ބޭނުންވާނެއީހަބް
ސަލާހް މުޅިން ފިޓްވެ ސީޒަނުގެ އެންމެ މުހިންމު މެޗުތަކުގައި ކުޅުމަކީ ލިވަޕޫލުން ވަރަށް ބޮޑަށް ބޭނުންވާ ކަމެކެވެ. ސަބަބަކީ އެ ޓީމު އިނގިރޭސި ޕްރެމިއާ ލީގާއި ޔޫރޮޕާ ލީގު ކާމިޔާބު ކުރުމަށް އޭނާގެ ދައުރުގެ މުހިންމުކަމުންނެވެ.
