މާކުރަތުން އެ ރަށަށް ދިމާވެފައިވާ ދަތި ކަންކަން ހައްލުކޮށްދިނުމަށް ރައީސްގެ ކިބައިން އެދިއްޖެ
ރަށުގެ އިޖުތިމާއީ ތަރައްޤީ އަށް ބޭނުންވާ ކަންކަން ކޮށްދިނުމަށް ކައުންސިލުން އެދުނެ
މާކުރަތު ތަރައްޤީގެ މުހިންމު މަޝްރޫޢުތަކާ ގުޅޭގޮތުން އެރަށު ކައުންސިލާ އ.ތ.މ ކޮމިޓީއާއެކު މަޝްވަރާކުރެއްވުން
މާޅޮސްމަޑުލު އުތުރުބުރީ މާކުރަތު ޞިއްޙީ މަރުކަޒަށް ދިމާވެފައިވާ މުވައްޒަފުންގެ ދަތިކަން ހައްލުކޮށްދިނުމަށާއި ބަނދަރުގެ މަސައްކަތް އަވަހަށް ނިންމާ ދިނުމަށް ކައުންސިލުން އެދިއްޖެއެވެ.
ކައުންސިލުން އެގޮތަށް އެދުނީ ރައީސާއި ބައްދަލުކޮށް ވާހަކަދައްކަމުންނެވެ. ކައުންސިލުން ވަނީ ރައީސް ޑރ.މުހައްމަދު މުއިއްޒު އާއި އެކު ބޭއްވި ބައްދަލުވުމުގައި ފުލުހުންގެ ޚިދުމަތް ގާއިމުކުރުމުގެ މުހިންމުކަމާއި ގޮނޑުދޮށް ހިމާޔަތްކުރުން މުހިންމު ކަމަށް ފާހަގަކޮށްފައެވެ. އަދި އޮފީސް ކޮމްޕްލެކެސްއަކާއި ސްކޫލަށް މަލްޓިޕަރޕަސް ހޯލެއް ޤާއިމްކޮށްދިނުމަށް އެދިފައެވެ. އަދި ރަށުގެ އިޖުތިމާއީ ތަރައްޤީ އަށް ބޭނުންވާ ކަންކަން ކޮށްދިނުމަށް އެދުނެވެ.
ރ. ދުވާފަރު ކައުންސިލުގެ އިދާރާގަ އޮތް އެ ބައްދަލުކުރެއްވުމުގައި ކަމާގުޅުންހުރި ވަޒީރުން މެދުވެރިކުރައްވައި ރައީސުލްޖުމްހޫރިއްޔާ ވަނީ ކައުންސިލުން ހުށަހަޅާފައިވާ ކަންކަމުގެ އެންމެ ފަހުގެ މައުލޫމާތުތައް ހިއްސާކޮށްފައެވެ. އަދި ކައުންސިލުން އެދުނު ކަންކަން ކޮށްދޭން މަސައްކަތް ކުރާނެ ކަމަށް ރައީސް ވިދާޅުވިއެވެ.
