ރ.ކިނޮޅަހުގެ ކައުންސިލް އިދާރާގެ ޖާގައިގެ ދަތިކަމާއި، ރަށްގިރުމުގެ މައްސަލަ ހައްލުކޮށްދިނުމަށް ރައީސްގެ އަރިހުން އެދިއްޖެ
އެ ބައްދަލުކުރެއްވުން އޮތީ ހޮނިހިރު ދުވަހުގެ ރޭ ރ.މީދޫ ކައުންސިލް އިދާރާގަ
މާޅޮސްމަޑުލު އުތުރުބުރީ ކިނޮޅަހުގެ ކައުންސިލާއި ރައީސް ބައްދަލުކުރެއްވުން
ރ.ކިނޮޅަހުގެ ކައުންސިލް އިދާރާގެ ޖާގައިގެ ދަތިކަމާއި ރަށްގިރުމުގެ މައްސަލަ ހައްލުކޮށްދިނުމަށް ރައީސްގެ އަރިހުން އެދިއްޖެއެވެ.
ރައީސް އޮފީހުން ބުނީ މާޅޮސްމަޑުލު އުތުރުބުރީ ކިނޮޅަހުގެ ކައުންސިލާއި އެކު ރައީސް ޑރ.މުހައްމަދު މުއިއްޒު އާއި އެކު ބޭއްވި ބައްދަލުކުރެއްވުމުގައި އެ ކައުންސިލުން ގިނަ ކަންތައްތަކަށް އެދިވަޑައިގެންފައިވާ ކަމަށެވެ. އެގޮތުން ކައުންސިލުން ވަނީ އެ ރަށުގައި ރަށްގިރަމުންދާ ސަރަޙައްދުތައް ހިމާޔަތްކުރުމަށާއި ކައުންސިލް އިދާރާގެ ޖާގައިގެ ދަތިކަން ހައްލުކުރުމަށް އައު އިމާރާތެއް އަޅާދިނުމަށް އެދިފައެވެ. އަދި އައު މިސްކިތެއްގެ މުހިންމުކަމާއި ފުޓްސަލް ދަނޑު ރަނގަޅުފެންވަރަށް ހެދުމާއި ވޮލީކޯޓް މަރާމާތުކުރުން، އަދި އިންޑޯޖިމެއް އަޅާދިނުމަށް ވެސް އެދިފައިވެއެވެ.
އެ ބައްދަލުކުރެއްވުމުގައި ރައީސް ވަނީ އެ ރަށުގެ ތަރައްޤީއަށް އެންމެ މުހިންމު ކަންކަމުގެ ގޮތުގައި ކައުންސިލުން ފާހަގަކުރެއްވި ކަންކަން ފުރިހަމަކޮށްދެއްވުމަށް މަސައްކަތް ކޮށްދެއްވާނެކަމަށް ވިދާޅުވެފައެވެ. އެ ބައްދަލުކުރެއްވުން އޮތީ ހޮނިހިރު ދުވަހުގެ ރޭ ރ.މީދޫ ކައުންސިލް އިދާރާގައެވެ.
