އެމްޑީޕީގެ ކެންޑިޑޭޓުން ވާދަނުކުރާ ދާއިރާތަކުގެ އަމިއްލަ ކެންޑިޑޭޓުންނަށް އެމްޑީޕީން ތާއީދުކުރަނީ
29 ފެބުރުއަރީ 2024 | ބުރާސްފަތި 10:33އެމްޑީޕީން ނިންމައިފައި އޮތީ އެމްޑީޕީން ވާދަނުކުރާ ދާއިރާތަކުގެ، އެ ޕާޓީގެ އުސޫލުތައް ބަލައިގަންނަ ކެންޑިޑޭޓުން އެންޑޯޒްކުރަން
މޯލްޑިވިއަން ޑިމޮކްރެޓިކް ޕާޓީ
ކުރިއަށް އޮތް ރައްޔިތުންގެ މަޖިލީހުގެ އިންތިހާބުގައި މޯލްޑިވިއަން ޑިމޮކްރެޓިކް ޕާޓީ (އެމްޑީޕީ)ން ވާދަނުކުރާ ދާއިރާތަކަށް ނުކުންނަ އަމިއްލަ ކެންޑިޑޭޓުން އެންޑޯޒްކުރަން ނިންމާފައިވާކަމަށް، "މިސްރާބު ހަމަމަގަށް"ގެ ތަރުޖަމާނު އަދި ކެނދިކުޅުދޫ ދާއިރާގެ މެންބަރު އަހުމަދު އީސާ ވިދާޅުވެއްޖެއެވެ.
އެމްޑީޕީން އިންތިޚާބުގައި ވާދަނުކުރާ ދާއިރާތަކަށް އިޝާރާތްކުރައްވަމުން އީސަ ވިދާޅުވީ، އެމްޑީޕީން ނިންމާފައި އޮތީ، އެމްޑީޕީން ވާދަނުކުރާ ދާއިރާތަކުގައި ތިބި، އެ ޕާޓީގެ އުސޫލުތައް ބަލައިގަންނަ ކެންޑިޑޭޓުން އެންޑޯޒްކުރަން ކަމަށެވެ.
އަދި އެ ކެންޑިޑޭޓުންގެ މައުލޫމާތާއި ދާއިރާތައް އެ ޕާޓީން ފޯރުކޮށްދޭނެ ކަމަށް ވިދާޅުވަމުން އީސަ ވިދާޅުވީ، އެފަދަ ކެންޑިޑޭޓުން ނަގާނީ ރައްޔިތުންގެ މަޖިލީހަށް އެ ކެންޑިޑޭޓުން ހޮވިއްޖެނަމަ، އެބޭފުޅުންގެ މަސައްކަތް ގެންގުޅޭނެ ގޮތާއި، ޕާޓީގެ ހަމަތަކަށް އިހުތިރާމު ކުރާނެ ކަން ޔަގީންކުރުމަށްފަހު ކަމަށެވެ.
ކުރިއަށް އޮތް ރައްޔިތުންގެ މަޖިލީހުގެ އިންތިޚާބުގައި އެމްޑީޕީން ވާދަކުރަނީ 89 ދާއިރާއަކަށެވެ. މުޅި އިންތިޚާބުގައި އެމްޑީޕީގެ 90 ކެންޑިޑޭޓުން ވާދަކުރެއެވެ.
