އެމްބާޕޭ ގަތުމަށް ރެއާލް މެޑްރިޑުން ކުޅުންތެރިއަކު ވިއްކާކަށް ނުޖެހޭނެ: ލަލީގާ
ރެއާލް އަކީ އިގްތިސާދީ ގޮތުން ވަރަށް ރަނގަޅު މަގާމެއްގައި އޮތް ކުލަބެއް: ލަލީގާ
ފްރާންސާއި ޑެންމާކް ބައްދަލުކުރި މެޗުގެ ތެރެއިން
ޕީއެސްޖީ އަށް ކުޅެމުން އަންނަ ފްރާންސްގެ ކެޕްޓަން އަދި ފޯވަޑް ކީލިއަމް އެމްބާޕޭ ގަތުމަށް ރެއާލް މެޑްރިޑުން ކުޅުންތެރިއަކު ވިއްކާލަން ނުޖެހޭނެ ކަމަށް ލަލީގާއިން ބުނެފި އެވެ.
ލީގުގެ ރައީސް ހާވިއާ ޓަބޭސް ވިދާޅުވީ ރެއާލް މެޑްރިޑް އޮތީ މާލީ ގޮތުން ކުޅުންތެރިއަކު ވިއްކާލަންޖެހޭ ވަރަށްވުރެ މާ ބޮޑަށް ވެސް ހާލަތު ރަނގަޅުކޮށް ކަމަށެވެ.
އޭނާ ބުނީ އެމްބާޕޭ އަކީ މިވަގުތު ދުނިޔޭގައި ހުރި އެންމެ މޮޅު އެއް ފޯވަޑް ކަމަށާއި އޭނާ ރެއާލް މެޑްރިޑާ ގުޅެން ބޭނުންވާ ކަމަށެވެ.
ރެއާލްގައި އެމްބާޕޭ އާއި ބެލިންހަމްތިބި ކަމަށް ޓަބޭސް ވިދާޅުވުމުން ގިނަ ބަޔަކު މިހާރު ބުނަމުންދަނީ އެމްބާޕޭ ރެއާލްގެ ކޮންޓްރެކްޓްގައި ސޮއިކޮށްފައިވާ ކަމަށެވެ. ނަމަވެސް މިކަން އޭނާ އާއި ރެއާލް އަދި ޕީއެސްޖީން ވެސް ކަށަވަރުކޮށްނުދެ އެވެ.
