މާލޭ ގޯޅިގަނޑެއްތެރޭ މީހަކު ޚަބަރުހުސްވެފައި އޮއްވާ ފެނިއްޖެ
މިހާރު އެމީހާއަށް އަންނަނީ އައި.ޖީ.އެމް.އެޗްގައި ފަރުވާދެމުން
ލައިޝާ އަހްމަދު, ރާއްޖެ އެމްވީ | 25 ފެބުރުއަރީ 2024 | އާދީއްތަ 06:25
ފުލުހުންގެ މައި އިމާރަތް
މާލޭ ގޯޅިގަނޑެއްތެރޭ މީހަކު ޚަބަރު ހުސްވެފައި އޮއްވާ ފެނިއްޖެއެވެ.
ފުލުހުން ބުނީ މާލޭ ނީލޯފަރު މަގު ގޯޅިގަނޑެއްތެރޭ މީހަކު ޚަބަރުހުސްވެގެން ވެއްޓިފައިވާކަން އާދިއްތަ ދުވަހުގެ ފަތިހު 05:27 ހާއިރު އެއިދާރާއަށް ރިޕޯޓްކޮށްފައިވާ ކަމަށެވެ.
އެއީ 32 އަހަރުގެ ދިވެހި ފިރިހިނެއްކަމާއި މިހާރު އެމީހާއަށް އަންނަނީ އައި.ޖީ.އެމް.އެޗްގައި ފަރުވާދެމުންކަމަށް ފުލުހުން ވަނީ ބުނެފައެވެ.
މި މައްސަލަ ފުލުހުން މިހާރު ތަޙުޤީގު ކުރަމުންދާތީ މިކަމާ ގުޅިގެން އިތުރު ތަފްސީލެއް ހާމަކޮށްފައެއް ނުވެއެވެ.
