ގިނަ ދުވަސްވެފައިވާ މައްސަލަތައް އަވަހަށް ނިންމުމަށް ހައިކޯޓުން ޚާއްސަ މަސައްކަތްތަކެއް ކުރަނީ

ގިނަ ދުވަސްވެފައިވާ މައްސަލަތައް އަވަހަށް ނިންމުމަށް ޚާއްސަ މަސައްކަތްތަކެއް ކުރައްވަން ދިވެހިރާއްޖޭގެ ހައިކޯޓުގެ ފަނޑިޔާރުން ނިންމަވައިފިއެވެ.

އެކަމާ ގުޅޭގޮތުން ހައިކޯޓުން ބުނީ، ގިނަ ދުވަސްވެފައިވާ މައްސަލަތައް އަވަހަށް ނިންމުމަށް ކުރަމުންދާ ޚާއްސަ މަސައްކަތްތައް ކުރިއަށްގެންދާނީ ފިޔަވަހިތަކަކަށް ބަހާލައިގެން ކަމަށެވެ.

އެގޮތުން ބަލާއިރު، އެންމެ ފުރަތަމަ ފިޔަވަހީގައި ޚާއްސަ އިސްކަމެއް ދީގެން ނިންމާނީ ،2017 ،2018 2019 އަދި 2020 ވަނަ އަހަރުގެ މައްސަލަތައްކަމަށް ހައިކޯޓުން މައުލޫމާތު ދެއެވެ.

އަދި އެ މައްސަލަތައް ނިންމުމަށް ކޮންމެ ދުވަހަކުވެސް ރަސްމީ ގަޑީގެ ފަހުނ،ް 14:15 ގައި އެ މައްސަލަތަކަށް ޚާއްސަ ސްލޮޓެއްވަނީ ކަނޑައަޅާފައެވެ.