ކ. މާލެ
|
19 ފެބްރުއަރީ 2024 | ހޯމަ 11:49
މެޗުގައި ލަނޑު ޖެހުމަށްފަހު، އަލް އިއްތިހާދުގެ ކުޅުންތެރިންނާއެކު ޙަމަދުﷲ އުފާ ފާޅުކުރަނީ
މެޗުގައި ލަނޑު ޖެހުމަށްފަހު، އަލް އިއްތިހާދުގެ ކުޅުންތެރިންނާއެކު ޙަމަދުﷲ އުފާ ފާޅުކުރަނީ
ރޮއިޓާސް
ސައުދީ ޕްރޯ ލީގު
ޙަމަދުﷲ ގެ ދެ ލަނޑާއެކު، އަލް އިއްތިހާދު މޮޅުވެއްޖެ
 
މިހާތަނަށް ލިބުނު 34 ޕޮއިންޓާއެކު އަލް އިއްތިހާދު އޮތީ ފަސް ވަނައިގައި

ސައުދީ ޕްރޯ ލީގުގައި އަލް ރިޔާދާ ދެކޮޅަށް ކުޅުނު މެޗުން، އަލް އިއްތިހާދު މޮޅުވެއްޖެ އެވެ.

ސީޒަންގެ ކުރީ ކޮޅު އަލް އިއްތިހާދުގެ ފަރާތުން މޮޅު ކުޅުމެއް ފެނުނު ނަމަވެސް، ސީޒަންގެ ވަކި ހިސާބަކުން އެ ޓީމުގެ ނަތީޖާތައް ވަނީ ދަށްވެފަ އެވެ.

މެޗު ފަަށައިގެން 12 ވަނަ މިނެޓުގައި އަލް އިއްތިހާދަށް ލީޑު ނަގައިދިނީ ޢަބްދުއް ރައްޒާގު ޙަމަދުﷲ އެވެ. މެޗުގައި އަލް އިއްތިހާދުގެ ދެ ވަނަ ލަނޑު ޖެހީ ވެސް އޭނާ އެވެ. އެއީ މެޗުގެ ފުރިހަމަ ވަގުތު ހަަމަވެ، އިތުރަށް ދެއްކި ވަގުތުގައި ޖެހި ލަނޑެކެވެ. މެޗުގައި އަލް އިއްތިހާދަށް ކުޅެމުން އަންނަ ފްރާންސްގެ ކަރީމް ބެންޒެމާ އަށް ވެސް ވަނީ ލަނޑު ޖަހާނެ ފުރުސަތު ލިބިފަ އެވެ.

ލީގުގައި މިހާތަނަށް އަލް އިއްތިހާދުންް ވެސް ވަނީ 20 މެޗު ކުޅެފަ އެވެ. އޭގެ ތެރެއިން އެ ޓީމު މޮޅުވެފައި ވަނީ 10 މެޗުންނެވެ. ހަތަރު މެޗު އެއްވަރުވެފައިވާއިރު، ހަ މެޗުން ވަނީ ބަލިވެފަ އެވެ. މިހާތަނަށް ލިބުނު 34 ޕޮއިންޓާއެކު އެ ޓީމު އޮތީ ފަސް ވަނައިގަ އެވެ. ހަތަރު ވަނައިގައި އޮތް އަލް ތައާވޫނަށް ލިބެނީ 35 ޕޮއިންޓެވެ.

އެންމެ ފަހުން އަޕްޑޭޓް ކުރީ: 2 މަސް ކުރިން
ރިވިއު ކުރީ: މަރްޔަމް ދާނިޝް ނަޝީދު
0%
0%
0%
0%
0%
0%
ކޮމެންޓް