ބާސްކެޓް އެސޯސިއޭޝަނުން އިންތިޒާމުކޮށްގެން ބާއްވާ ތިންވަނަ އެމްބީއޭ ކަޕްގައި އެލްޓީ ސްޕޯޓްސް އާއި ޓީރެކްސް ބާސްކެޓް ކްލަބް ކުޅުނު މެޗުތަކުން އެޓީމުތައް ތަފާތު ބޮޑުކޮށް މޮޅުވެއްޖެ އެވެ.

ހުކުރު ދުވަހުގެ ރޭ ކުޅުނު މެޗުން އެލްޓީ މޮޅުވީ އެލްކިއު ސްޕޯޓްސް ކްލަބާ ވާދަކޮށް 88 ޕޮއިންޓް 42 ޕޮއިންޓްގެ ތަފާތު ބޮޑު ނަތީޖާއަކުންނެވެ. މި މެޗުގެ މޮޅު ކުޅުންތެރިޔަކަށް ހޮވިފައިވަނީ އެލްޓީ އަށް 22 ޕޮއިންޓް ހޯދައިދިން މުހައްމަދު ފިރުނާޝް އަބްދުﷲ އެވެ.

ހުކުރު ދުވަހުގެ ރޭ ކުޅުނު މެޗުން ޓީރެކްސް މޮޅުވީ ކުޑަހެންވޭރާ ވާދަކޮށް 105 ޕޮއިންޓް 59 ޕޮއިންޓްގެ ތަފާތުބޮޑު ނަތީޖާއަކުންނެވެ. މި މެޗުގެ މޮޅު ކުޅުންތެރިޔަކަށް ހޮވުނީ ޓީރެކްސް އަށް 38 ޕޮއިންޓް ހޯދައިދިން އިބްރާހިމް ރަޝްވާން އެވެ.

މިމުބާރާތުގެ ދެ ވަނަ ޑިވިޝަންގައި 6 ޓީމް ވާދަކުރެއެވެ. އަދި ފުރަތަމަ ޑިވިޝަންގެ ފިރިހެންބައިގައި 4 ޓީމް ވާދަކުރުމަށް ހަމަޖެހިފައިވާއިރު އަންހެން ބައިގައި ވާދަކުރާނީ 3 ޓީމެވެ.