ކ. މާލެ
|
18 ފެބްރުއަރީ 2024 | އާދީއްތަ 11:36
ެވެރޯނާ އާއި ޔުވެންޓަސް ކުޅުނު މެޗުގެ ތެރެއިން
ެވެރޯނާ އާއި ޔުވެންޓަސް ކުޅުނު މެޗުގެ ތެރެއިން
ރޮއިޓާސް
އިޓާލިއަން ލީގު
ވެރޯނާ ކައިރިން ޔުވެންޓަސް އެއްވަރު
 
ޔުވެންޓަސް ދެ ވަނައިގައި އޮތީ މިހާތަނަށް ކުޅުނު 25 މެޗުން 54 ޕޮއިންޓާއެކު

އިޓާލިއަން ލީގުގައި ވެރޯނާއާ ދެކޮޅަށް ކުޅުނު މެޗުން ޔުވެންޓަސް އެއްވަރުވެއްޖެ އެވެ.

ވެރޯނާގެ ދަނޑުގައި ހޮނިހިރު ދުވަހުގެ ރޭ ކުޅުނު މެޗު އެއްވަރުވީ 2-2 އިންނެެވެ. ޔުވެންޓަސް އަކީ މި ސީޒަންގެ އިޓާލިއަން ލީގަށް ވާދަކުރަމުން އަންނަ ޓީމެކެވެ. އެހެން ނަމަވެސް، އެންމެ ފަހުން ކުޅުނު ދެ މެޗުން ވެސް ނަތީޖާ ނުނެރެވި، ޔުވެންޓަސް އަށް ވަނީ އުނދަގުލާ ކުރިމަތިލާންް ޖެހިފަ އެވެ.

މެޗުގައި ޔުވެންޓަސްއާ ދެކޮޅަށް ވެރޯނާ އަށް ލީޑު ނަގައިދިނީ މިކޭލް ފޮލޮރަންޝޯ އެވެ. މެޗުގެ 11 ވަނަ މިނެޓުގައި އޭނާ ލީޑު ނަގައިދީފައި ވަނިކޮށް، ޔުވެންޓަސް އިން ވަނީ 28 ވަނަ މިނެޓުގައި ނަތީޖާ ހަމަހަމަ ކޮށްފަ އެވެ. ޔުވެންޓަސް އަށް ލިބުނު ޕެނަލްޓީއެއް ކާމިޔާބުކޮށް، ނަތީޖާ ހަމަހަމަ ކޮށްދިނީ ޑޫސަން ވްލަހޮވިޗް އެވެ. ދެ ވަނަ ހާފު ފަށައިގެން ހަތް ވަނަ މިނެޓުގައި، ދެ ވަނަ ފަހަރަށް ވެރޯނާ އަށް ލީޑު ނަގައިދިނީ ޓިޖާނީ ޓޮސްލިން އެވެ. އޭގެ ތިން މިނެޓު ފަހުން ޔުވެންޓަސްގެ އެޑްރިއެން ރާބިއޮޓް ވަނީ ލަނޑު ޖަހައި، އެ ޓީމަށް ނަތީޖާ ހަމަހަމަ ކޮށްދީފަ އެވެ.

މި ނަތީޖާ އާއެކު ޔުވެންޓަސް ދެ ވަނައިގައި އޮތީ މިހާތަނަށް ކުޅުނު 25 މެޗުން 54 ޕޮއިންޓާއެކު އެވެ. ޔުވެންޓަސް އަށް ވުރެ އެއް މެޗު މަދުން ކުޅެގެން، އެއް ވަނައިގައި އިންޓަ މިލާނަށް ލިބެނީ 63 ޕޮއިންޓެވެ.

އެންމެ ފަހުން އަޕްޑޭޓް ކުރީ: 1 ހަފްތާ ކުރިން
ރިވިއު ކުރީ: މަރްޔަމް ދާނިޝް ނަޝީދު
0%
0%
0%
0%
0%
0%
ކޮމެންޓް