މެންޗެސްޓަރ ޔުނައިޓެޑް އަތުން ބަލިވެ، އެސްޓަން ވިލާ ގަދަ ހަތަރަކުން ބޭރަށް

ލީގުގެ ގަދަ ހަތަރެއްގައި އޮވެ, ލީގު ޗެމްޕިއަންކަމަށް ވެސް ވާދަކުރަމުން އައި އެސްޓަން ވިލާ ގަދަ ހަތަރަކުން ބޭރުވެއްޖެ އެވެ.

އެސްޓަން ވިލާ ގަދަހަ ހަތަރަކުން ބޭރުވީ އިނގިރޭސި ޕްިރމިއަރ ލީގުގައި މެންޗެސްޓަރ ޔުނައިޓެޑް އަތުން އަމިއްލަ ދަނޑުގައި ބަލިވުމުންނެވެ. މެޗު ޔުނައިޓެޑުން ކާމިޔާބުކުރީ 2-1 ނެވެ. މެޗުން މޮޅުވެގެން ހަތަރެއްގެ ތެރޭގައި ދެމިއޮވެވެން އޮތަސް, ފުރުޞަތު ގެއްލުނީ މެޗުގެ ފަހު ހަތަރު މިނިޓްގެ ތެރޭގައި ކޮޅަށް ވަން ލަނޑުން ބަލިވެގެންނެވެ. މެޗުގައި ފުރަތަމަ ޔުނައިޓެޑަށް ކުރި ހޯދައިދިނީ ހޮޖްލަންޑް އެވެ. ދެވަނަ ހާފްގައި އެސްޓަން ވިލާއަށް ޑަގްލަސް ލުއިޒް ނަތީޖާ ހަމަހަމަ ކޮށްދިނެވެ. އެކަމަކު 86 ވަނަ މިނިޓްގައި ޔުނައިޓެޑުން އިތުރު ލަނޑެއް ޖަހާ މުހިއްމު މޮޅެއް ހޯދިއެވެ.

މިނަތީޖާގެ ސަބަބުން އެސްޓަން ވިލާ މިހާރު އޮތީ 24 މެޗުން 46 ޕޮއިންޓާ އެކު ފަސް ވަނައިގައެވެ. ހަތަރު ވަނައިގައި އޮތީ 47 ޕޮއިންޓާއެކު ޓޮޓްނަމް އެވެ. މެންޗެސްޓަރ ޔުނައިޓެޑް އޮތީ 41 ޕޮއިންޓާއެކު ހަ ވަނައިގަ އެވެ.