އަލަށް އިމާރަތްކުރާ މިސްކިތްތަކުގައި ސޯލާ ޕެނަލް ހަރުކުރަންޖެހޭ ގޮތަށް ހަދައިފި
6 ފެބުރުއަރީ 2024 | އަންގާރަ 17:17ސޯލާ ޕެނަލްތައް ހަރުކުރުމަކީ ކަރަންޓަށް ކުރާ ހޭދަ ބޮޑުތަނުން ކުޑަ ވާނެ ކަމެއް
ކިންގް ސަލްމާން މިސްކިތް
ރާއްޖޭގައި އަލަށް އިމާރަތްކުރާ މިސްކިތްތަކުގައި ސޯލާ ޕެނަލް ހަރުކުރުމަކީ އެ މަޝްރޫއުގެ ބައެއްގެ ގޮތުގައި ކަނޑައެޅުމަށް އިސްލާމީ ކަންތައްތަކާ ބެހޭ ވަޒީރު، ޑރ. މުޙައްމަދު ޝަހީމު އަލީ ސަޢީދު ނިންމަވައިފިއެވެ.
އެކަން އިއުލާން ކުރައްވަމުން ވަޒީރު އެކްސްގައި ކުރެއްވި ޕޯސްޓެއްގައި ވިދާޅުވީ، އަލަށް އިމާރާތް ކުރާ މިސްކިތްތަކުގެ އަސާސީ ކަމެއްގެ ގޮތުގައި މަޝްރޫޢުގެ ތެރެއިން، މިސްކިތް ނިމޭ އިރު ސޯލާ ޕެނަލް ހަރުކުރުމަކީ މަޝްރޫޢުގެ ބައެއްގެ ގޮތުގައި މިއަހަރުން ފެށިގެން ކުރިއަށްދާނެ ކަމަށެވެ.
އަދި އެކަމުގެ ސަބަބުން މިސްކިތްތައް އޭސީކުރަން ބޮޑު ލުޔެއް ލިބޭނެ ކަމަށް ވަޒީރު ވިދާޅުވިއެވެ.
މިހާރު އާންމުކޮށް ރާއްޖޭގައި އިމާރަތްކުރާ މިސްކިތްތަކުގައި ސޯލާ ޕެނަލް ހަރެއްނުކުރެއެވެ. އެހެން ނަމަވެސް ސޯލާ ޕެނަލްތައް ހަރުކުރުމަކީ ކަރަންޓަށް ކުރާ ހޭދަ ބޮޑުތަނުން ކުޑަ ވާނެ ކަމެކެވެ.
