ޕްރޮސެކިއުޓަށް ޖެނެރަލް ހުސައިން ޝަމީމަށް ޙަމަލާ ދިން މީހުން އިންސާފުގެ ކުރިމައްޗަށް ގެނައުމަށް ކުރީގެ ރައީސް އިބްރާހީމް މުޙައްމަދު ސާލިޙު މިއަދުގެ ސަރުކާރަށް ގޮވާލައްވައިފިއެވެ.
ޕްރޮސެކިއުޓަށް ޖެނެރަލް ހުސައިން ޝަމީމަށް މަގުމަތިން ހަމަލާދީފައިވަނީ ބުދަ ދުވަހުއެވެ.
ބުދަ ދުވަހު ސާލިޙު ކުރެއްވި ޓްވީޓެއްގައި ވިދާޅުވީ، ޕްރޮސެކިއުޓަރ ޖެނެރަލް ހުސައިން ޝަމީމަށް އަމާޒުކޮށް ދިން ޙަމަލާ ހަރުކަށި އިބާރާތުން ކުށްވެރި ކުރައްވާކަމަށެވެ.
ސާލިޙު ވަނީ ޕީޖީއަށް އަވަސް ޝިފާއަކަށް އެދިވަޑައިގެންފައެވެ.
ސާލިޙު ވިދާޅުވީ، ސިޔާސީ މަޤްސަދުގައި މިގޮތަށް މީހުންނަށް އަނިޔާވެރިވުމަކީ ޑިމޮކްރަޓިކް މުޖުތަމައެއްގައި ޖާގަދެވިގެންވާނެ ކަމެއް ނޫންކަމަށެވެ.
މީގެ އިތުރުން، މި ޙަމަލާ ދިން މީހުން އިންސާފުގެ ކުރިމައްޗަށް ގެނައުމަށްވެސް ސާލިޙު ވަނީ މިއަދުގެ ސަރުކާރަށް ގޮވާލައްވާފައެވެ.
މި މައްސަލަ ފުލުހުން ދަނީ ތަހުގީގުކުރަމުންނެވެ.
