ޤަތަރު އަތުން ބަލިވެ ފަލަސްތީން ކަޓައިފި

މިހާރު ކުރިއަށްދާ އޭއެފްސީ އޭޝިއަން ކަޕްގެ ގަދަ 16 ވަނަ ބުރުގައި މުބާރާތް ބާއްވާ ޤައުމު ޤަތަރު އަތުން ބަލިވި ނަމަވެސް، ފަލަސްތީނަށް އޮތް ލޯބި ދައްކާލައިފި އެވެ.

ޤަތަރުގެ އަލް ބައީތު ސްޓޭޑިއަމްގައި ކުޅުނު މެޗުން ފަލަސްތީނު ބަލިވީ 2-1 އިންނެވެ. ނަމަވެސް މެޗު ފެށުމުގެ ކުރިން ވެސް ދަނޑު ބޭރުގައި ސަޕޯޓަރުން ވަނީ ފަލަސްތީނަށް އޮތް ލޯބި ދައްކާާލައިފަ އެވެ. ފަަލަސްތީނުގެ ދިދަ ހިފައިގެން ތިބެ، އެ މީހުން ވަނީ ފަލަސްތީނާއެކު ތިބިކަަމަށް ބުނެފަ އެވެ.

މެޗުގައި ފުރަތަމަ ލަނޑު ޖަހައި ކުރި ހޯދީ ވެސް ފަލަސްތީނުންނެވެ. ފުރަތަމަ ހާފުގެ 37 ވަނަ މިނެޓުގައި އެ ޓީމަށް ލީޑު ނަގައިދިނީ މުޙައްމަދު ދަބާ އެވެ. ނަމަވެސް، ފުރަތަމަ ހާފުގެ އިތުރު ވަގުތުގައި ޤަތަރުން ވަނީ ލަނޑު ޖަހައިގެން ނަތީޖާ ހަމަހަމަ ކޮށްފަ އެވެ. އެ ޓީމަށް ނަތީޖާ ހަމަހަމަ ކޮށްދިނީ ޙަސަން އަލް ޙައިދޫސް އެވެ. މެޗުން ޤަތަރު މޮޅުވީ ދެ ވަނަ ހާފުގައި ލިބުނު ޕެނަލްޓީ ކާމިޔާބު ކޮށްގެންނެވެ. ދެ ވަނަ ހާފު ފަށައިގެން ހަތަރު ވަނަ މިނެޓުގަައި ޕެނަލްޓީ ކާމިޔާބު ކުރީ އަކްރަމް އަފީފް އެވެ.

މުބާރާތުގެ ކުއާޓާ ފައިނަލުން ޤަތަރު ޖާގަ ހޯދިއިރު، ކުއާޓާ ގައި ކުޅޭ މެޗު އޮންނާނީ ފެބްރުވަރީ މަހުގެ ތިން ވަނަ ދުވަހު އެވެ.