މަޖިލިސް މެންބަރުން އެކުލެވިގެންވާ ގޮތަށް ބަދަލުތަކެއް - މަޖިލީހުގެ މައިނޯރިޓީ ޕާޓީއަކަށް ޕީއެންސީ
މައިނޮރިޓީ ލީޑަރަކީ ޕީއެންސީގެ ޕާލިމެންޓްރީ ގްރޫޕުގެ ލީޑަރު، ފޮނަދޫ ދާއިރާގެ މެންބަރު މޫސާ ސިރާޖު
މުޅި މަޖިލީހުގެ ކޮމިޓީ
އެމްޑީޕީގެ ގިނަ އަދަދެއްގެ މެންބަރުން ޕީއެންސީއަށް ސޮއިކުރައްވާފައިވާތީ، ރައްޔިތުންގެ މަޖިލިސް އެކުލެވިގެންވާ ގޮތަށް އައިސްފައިވާ ބަދަލުތައް އިއުލާންކޮށްފިއެވެ.
މަޖިލީސް އެކުލެވިގެންވާ ގޮތަށް ގެނައި ބަދަލުތައް އިއުލާންކުރައްވާފައި ވަނީ އާދިއްތަ ދުވަހު ދައުރުން ބޭއްވި މަޖިލީހުގެ ޖަލްސާގައި، މަޖިލީހުގެ ރައީސް މުހައްމަދު އަސްލަމްއެވެ. އަދި މި ބަދަލާއެކު ޕީއެންސީ ވަނީ މަޖިލީހުގެ މައިނޯރިޓީ ޕާޓީއަށް ވެފައެވެ.
މިހާރު މަޖިލީހުގައި މެންބަރުން އެކުލެވިގެންވާ ގޮތަށް ބަލާއިރު އެމްޑީޕީގައި 44 މެންބަރުން، ޕީއެންސީގައި 14 މެންބަރުން، ދަ ޑިމޮކްރެޓްސްގައި 13 މެންބަރުން، ޕީޕީއެމް އާއި އެމްޑީއޭ އަދި ޖޭޕީގައި ކޮންމެ ޕާޓީއެއްގައި 2 މެންބަރުން ތިއްބެވި އިރު، އަމިއްލަ މެންބަރުންގެ ގޮތުގައި 3 މެންބަރަކު އެބަ ތިއްބެވިއެވެ.
މި ބަދަލުތަކާއެކު މަޖިލީހުގެ މައިނޮރިޓީ ލީޑަރަކީ ޕީއެންސީގެ ޕާލިމެންޓްރީ ގްރޫޕުގެ ލީޑަރު، ފޮނަދޫ ދާއިރާގެ މެންބަރު މޫސާ ސިރާޖުކަމަށް މަޖިލީހުގެ ރައީސް އަސްލަމް ވަނީ އިޢުލާންކުރައްވާފައެވެ.
