މާލޭގައި ވެހިކަލް ދުއްވޭނެ އަދަދުތަކެއް ކުރިއަށް އޮތް 6 މަސް ދުވަސްތެރޭގައި ކަނޑައަޅާނަން: އާޒިމް
23 ޖެނުއަރީ 2024 | އަންގާރަ 07:24މާލެއަކީ ރައްޔިތުންނަށް ހިތްފަސޭހަ ތަނަކަށް ހެދުމަކީ އެންމެ ބޮޑު އެއް އަމާޒު
މާލެ ސިޓީ މޭޔަރު އާދަމް އާޒިމް
މާލޭގައި ވެހިކަލް ދުއްވޭނެ އަދަދުތަކެއް ކުރިއަށް އޮތް 6 މަސް ދުވަސް ތެރޭގައި ކަނޑައަޅުއްވާނެކަމަށް މާލެ ސިޓީ މޭޔަރު އާދަމް އާޒިމް ވިދާޅުވެއްޖެއެވެ.
އަންގާރަ ދުވަހު އޮތް ނޫސްވެރިންގެ ބައްދަލުވުމުގައި ވާހަަކަ ދައްކަވަމުން އާޒިމް ވިދާޅުވީ، މާލޭގައި ވެހިކަލް ދުއްވޭނެ އަދަދުތަކެއް ކުރިއަށް އޮތް 6 މަސް ދުވަސް ތެރޭގައި ކަނޑައަޅުއްވާނެ ކަމަށާއި، މި ކަމާއި ގުޅިގެން ގުޅުންހުރި އިދާރާތަކާއިއެކު މިހާރުވެސް މަޝްވަރާތައް ކުރަމުންދާކަމަށެވެ.
އާޒިމް ވިދާޅުވީ، މާލޭގެ މަގުތައް ހެދުމާއި، މާލެއަކީ ރައްޔިތުންނަށް ހިތްފަސޭހަ ތަނަކަށް ހެދުމަކީ އެންމެ ބޮޑު އެއް އަމާޒު ކަމަށެވެ.
އެކަމަށްޓަކައި ގުޅުންހުރި އިދާރާތަކާއެކު ކުރަންޖެހޭ މަސައްކަތްތައް ކުރައްވާނެކަމަށް އާޒިމް ވިދާޅުވިއެވެ.
ރައްޔިތުންނަށް ދަތިތައް ކުރިމަތިވާ ކަންކަމުގައި ސަރުކާރުގެ އިދާރާތަކާއި ގުޅިގެން ކުރަންޖެހޭ މަސައްކަތްތައް އަވަސް ކުރައްވާނެކަމަށް ވެސް މޭޔަރު ވިދާޅުވިއެވެ.
