މިހާރު ހުރި ކަންބޮޑުވުންތަކާ އެއްގޮތަށް، ރައްޔިތުންގެ މަޖިލީހުގެ ޕާލަމެންޓްރީ ގްރޫޕުގެ ތެރޭގައި މިހާރުވެސް މަޝްވަރާކުރެވެމުންދޭ
ފ. ބިލެތްދޫ ދާއިރާގެ މެންބަރު އަހުމަދު ހަލީމް (ދޮންބިލެއް)
މިހާރު އޮތް ސަރުކާރަށް ޖެއްސުން ނުކޮށް، ސަރުކާރު ޖަވާބުދާރީކުރުމުގެ މަސައްކަތް ކުރާނެ ކަމަށް ބިލެތްދޫ ދާއިރާގެ ޢިއްޒަތްތެރި މެންބަރު އަޙްމަދު ޙަލީމް ވިދާޅުވެއްޖެއެވެ.
ރާއްޖެޓީވީގެ ފަލަސުރުހީ ޕްރޮގްރާމުގައި ވާހަކަ ދައްކަވަމުން ބިލެތްދޫ ދާއިރާގެ ޢިއްޒަތްތެރި މެންބަރު އަޙްމަދު ޙަލީމް ވިދާޅުވީ އެމްޑީޕީން މެދުނުކެނޑި ޖަވާބުދާރީ ކުރުމުގެ މަސައްކަތް ކުރާނެ ކަމަށެވެ. އަދި މިހާރު ހުރި ކަންބޮޑުވުންތަކާ އެއްގޮތަށް، ރައްޔިތުންގެ މަޖިލީހުގެ ޕާލަމެންޓްރީ ގްރޫޕުގެ ތެރޭގައި މިހާރުވެސް މަޝްވަރާކުރެވެމުންދާ ކަމަށެވެ. މެންބަރު ހަލީމް ވިދާޅުވީ ކުރިއަށް އޮތްތަނުގައި މަޝްވަރާތައްކޮށް، ސަރުކާރަށް ޖެއްސުން ނުކޮށް، ސަރުކާރު ޖަވާބުދާރީކުރުމުގެ މަސައްކަތް ކުރާނެ ކަމަށެވެ.
މެންބަރު ހަލީމް ވިދާޅުވީ މިދިޔަ 5 އަހަރަކީ ވަރަށް ބައިވަރު މަސައްކަތް ކުރަމުން ދިޔަ 5 އަހަރު ކަމަށެވެ. ނަމަވެސް މިއާއި ބަދަލާއެކު ރާއްޖޭގެ ކަންކަން ވަރަށް ބޮޑު ހުއްޓުމަކަށް އައިސްފައިވާ ކަމަށެވެ. ހާއްސަކޮށް ތަރައްގީގެ މަޝްރޫއުތައް ވަރަށް ބޮޑަށް ހުއްޓިފައިވާ ކަމަށް މެންބަރު ހަލީމް ވިދާޅުވިއެވެ.
މެންބަރު ވިދާޅުވީ ކަންކަން ހުއްޓިފައި އޮތުމުން، މަޖިލީހުގެ ބޮޑު އަޣުލަބިއްޔަތެއް އެމްޑީޕީން ހޯދާ ސަރުކާރު ޖަވާބުދާރީކުރުމާއެކީގައި، ސަރުކާރާއެކު މަސައްކަތްތަކެއް ކުރަންޖެހޭ ކަމަށެވެ. ސަރުކާރެއް އިންތިހާބުކުރަނީ 5 އަހަރަށް ކަމަށާއި، އެ 5 އަހަރުގެ ތެރޭގައި ސަރުކާރުގެ ތެރެއިން ކުރަންޖެހޭ މުހިންމު މަސައްކަތްތަކެއް ހުންނާނެ ކަމަށެވެ. ނަމަވެސް ދާނެހާގޮތަކަށް ދާން ދޫކޮށްލައިގެން އޮވެއްޖެނަމަ، އެ ސަރުކާރަކަށް ރަނގަޅަށް ކަންކަން ނުކުރެވޭނެ ކަމަށެވެ.
