ރެޑްވިންގްސް ފުރަތަމަ މޮޅު، ސްޓިންގަރސް ދެވަނަ މެޗުންވެސް ބަލި

ގައުމީ ބާސްކެޓްބޯޅަ ލީގުގައި ރެޑްވިންގްސް ބާސްކެޓްބޯޅަ ކްލަބް ފުރަތަމަ މޮޅު ހޯދައިފިއެވެ.

ރެޑްވިންގްސް ފުރަތަމަ މޮޅު ހޯދީ ސްޓިންގާރސް ބާސްކެޓްބޯޅަ ކްލަބާ ވާދަކޮށްބޮޑު ތަފާތަކުންނެވެ. އެއީ 111 ޕޮއިންޓް 50 ޕޮއިންޓުންވެ. ހަތަރު ކްއާޓާގައިވެސް ކުރި ހޯދީ ރެޑްވިންގްސް އެވެ. ލީގުގައި މި ދެޓީމްވެސް ވަނީ ފުރަތަމަ މެޗުން ބަލިވެފައެވެ. ފިރިހެން ޑިވިޝަންގައި ރެޑްވިންގްސް ބަލިވީ ރެޕްޓުއަރސް ބާސްކެޓްބޯލް ކްލަބާ ވާދަކޮށް 81 ޕޮއިންޓް 75 ޕޮއިންޓުންނެވެ. ސްޓިންގާރސް ބަލިވީ ޓީ-ރެކްސް ބާސްކެޓްބޯލް ކްލަބާ ވާދަކޮށް 137 ޕޮއިންޓް 46 ޕޮއިންޓުންނެވެ.

ލީގުގައި ވާދަކުރަނީ ހަ ޓީމެވެ. އަންހެން ޑިވިޝަންގައި 4 ޓީމެވެ. އަންހެން ޑިވިޝަންގައި ކުޅުނު ފުރަތަމަ ދެ މެޗު ކާމިޔާބުކުރީ ކްއީންސް ބާސްކެޓްބޯލް ކްލަބާއި, ސައިކްލޯން ބާސްކެޓްބޯލް ކްލަބެވެ.