ޖުމްހޫރީ މައިދާނުގައި ހުރި ފެންއަރުވާވަޑާން މަރާމާތުކޮށް ކުރިއަށް އޮތް ރަމަޟާން މަހު ހުޅުވަން މަސައްކަތް ކުރަމުންދާ ކަމަށް ސިޓީތަކާއި އިދާރީ ދާއިރާތައް ހިންގުމާއި، އާންމު މަސައްކަތްތަކާ ބެހޭ ވަޒީރު އާދަމް ޝަރީފް ވިދާޅުވެއްޖެއެވެ.
އޭނާ "އެކްސް" ގައި ކުރެއްވި ޕޯސްޓެއްގައި ވިދާޅުވެފައި ވަނީ ޖުމްހޫރީ މައިދާނުގައި ހުރި ފެން އަރުވާވަޑާން މަރާމާތުކުރާނީ ކުރިއަށް ވުރެ ފުރިހަމަކޮށް ކަމަށެވެ. އަދި ރޯދައަށް އެތަން ހުޅުވުމުގެ މަސައްކަތް ކުރަމުންދާ ކަމަށް ވިދާޅުވިއެވެ. އެ މަސައްކަތް ކުރުމަށް ހަމަޖެހިފައި ވަނީ އެމްޓީސީސީގެ ސީއެސްއާރްގެ ދަށުންނެވެ.
Advertisement
ޖުމްހޫރީ މައިދާނުގެ ފެންއަރުވާވަޑާމަކީ ކުރީގެ ރައީސް އަބްދުﷲ ޔާމީންގެ ވެރިކަމުގައި ރާއްޖޭގެ މިނިވަން 50 އާއި ގުޅުވައިގެން ޤާއިމްކުރި ތަނެކެވެ. އެތަން ނުބެލެހެއްޓި އެތަން ވަނީ ވަރަށް ބޮޑަށް ވީރާނާވެފައެވެ.
