މޮނިއުމެންޓް ޓު ދަ ޕީޕަލްސް ހީރޯސްގައި ބޭއްވެވި ހަނދާނީ މާބޮނޑި އެރުވުމުގެ ރަސްމިއްޔާތުގައި ރައީސްގެ ދެކަނބަލުން ބައިވެރިވެ ވަޑައިގެންފި
މި ރަސްމިއްޔާތުގައި ޗައިނާގެ މިލިޓަރީ ބޭންޑުން ޗައިނާ އާއި ދިވެހިރާއްޖޭގެ ޤައުމީ ސަލާމް ވަނީ ކުޅެފަ
މޮނިއުމެންޓް ޓު ދަ ޕީޕަލްސް ހީރޯސްގައި ބޭއްވެވި ހަނދާނީ މާބޮނޑި އެރުވުމުގެ ރަސްމިއްޔާތުގައި ރައީސް ބައިވެރިވެވަޑައިގަންނަވަނީ
މޮނިއުމެންޓް ޓު ދަ ޕީޕަލްސް ހީރޯސްގައި ބޭއްވެވި ހަނދާނީ މާބޮނޑި އެރުވުމުގެ ރަސްމިއްޔާތުގައި ރައީސުލްޖުމްހޫރިއްޔާގެ ދެކަނބަލުން ބައިވެރިވެ ވަޑައިގެންފިއެވެ.
މި ރަސްމިއްޔާތުގައި ޗައިނާގެ މިލިޓަރީ ބޭންޑުން ޗައިނާ އާއި ދިވެހިރާއްޖޭގެ ޤައުމީ ސަލާމް ވަނީ ކުޅެފައެވެ. މޮނިއުމެންޓް ޓު ދަ ޕީޕަލްސް ހީރޯސްގައި މާ ބޮނޑި ބޭއްވުމަށްފަހު ރައީސުލްޖުމްހޫރިއްޔާ ވަނީ ޗައިނާއަށް މިނިވަންކަން ހޯދައިދިނުމަށް ފުރާނައިން ޤުރުބާންވި އަބްޠާލުންގެ ހަނދާނުގައި ހަމަހިމޭންކަމުގެ ސުކޫތެއްގައި ބައިވެރިވެވަޑައިގަންނަވާފައެވެ.
މޮނިއުމެންޓް ޓު ދަ ޕީޕަލްސް ހީރޯސް އަކީ 19 ވަނަ ޤަރުނާއި 20 ވަނަ ޤަރުނުގައި ޗައިނާއަށް ކުރިމަތިވި ޗައިނީސް ރިވޮލިއުޝަންގައި މިނިވަންކަން ހޯދާދިނުމަށް ހަނގުރާމަކުރި އަބްޠާލުންގެ ޒިކުރާ އައު ކުރުމުގެ ގޮތުން ބިނާކޮށްފައިވާ ހަނދާނީ ބިނާއެކެވެ.
