އެތްލެޓިކޯއާ ކުޅެން ޖެހުމުން، އެންޗެލޯޓީ ހިތްހަމަނުޖެހިއްޖެ
އެއް މަސް ދުވަހުގެ ތެރޭގައި މި ދެ ޓީމު ތިން މެޗު ކުޅޭނެ
އެތުލެޓިކޯ އާއި ރެއާލް މި ސީޒަނުގައި ކުޅެނީ
ގާތްގާތުގައި އެތްލެޓިކޯ މެޑްރިޑާ ދެކޮޅަށް ކުޅެންޖެހުމުން ރެއާލް މެޑްރިޑްގެ ކޯޗު ކާލޯ އެންޗެލޯޓީ ކަންބޮޑުވުން ފާޅުކޮށްފި އެވެ.
އޭނާ މިހެން ބުނީ އަންނަ ބުދަ ދުވަހު ސްޕެނިޝް ސުޕަކަޕް ސެމީ ފައިނަލުގައި އެތްލެޓިކޯއާ ވާދަކުރަން ޖެހުމުންނެވެ. މިއީ އެއް މަސް ދުވަހުގެ ތެރޭގައި އެތްލެޓިކޯއާ ދެކޮޅަށް ރެއާލް ނުކުންނަ ތިން ވަނަ ފަހަރެވެ. އަނެއްކޮޅުން އެތްލެޓިކޯ އަކީ މި ސީޒަނުގައި ރެއާލް ބަލުކުރި ހަމައެކަނި ޓީމެވެ.
އޭނާ ބުނީ ދެ ޓީމަކީ ވެސް ސްޕޭނުގެ މެޑްރިޑަށް ނިސްބަތްވާ ވާދަވެރި ދެ ޓީމަށްވުމުން، ވާދަވެރިވާނެ ކަމަށާއި މިއީ ސަޕޯޓަރުންނަށް ވަރަށް ކަމުދާ ކަމަކަށްވެދާނެ ކަމަށެވެ. އަދި އެތްލެޓިކޯއާ ދެކޮޅަށް ރެއާލް އެންމެ ފަހުން ކުޅުނު މެޗުގައި ޓީމަށް ގިނަ ގެއްލުންތަކެއްވި ކަމަށެވެ.
ސައޫދީ އަރަބިއްޔާގައި ކުޅޭ ސުޕަކަޕްގައި ރެއާލް ވަނީ 2020ގައި އެތްލެޓިކޯ ބަލިކޮށް ތަށި އުފުލާލައިފަ އެވެ.
