އާޒިމް އާއި އެކު "ރައްޔިތުންގެ ދަރުބާރު" މިރޭ ރާއްޖެޓީވީން ގެނެސްދެނީ
9 ޖެނުއަރީ 2024 | އަންގާރަ 11:32ޝޯ ހުށަހަޅާދޭނީ ރައީސް އޮފީހުގެ ކުރީގެ ސްޕޯކްސް މިއުވާން މުހައްމަދު
މާލެ ސިޓީގެ މޭޔަރުކަމަށް ވާދަކުރައްވާ އާދަމް އާޒިމް
ރާއްޖެ ޓީވީ އިން ގެނެސްދޭ "ރައްޔިތުންގެ ދަރުބާރު" ޕްރޮގްރާމް މިރޭ އޮންނާނެއެވެ.
މި ޕްރޮގްރާމް ގެނެސްދިނުމަށް ހަމަޖެހިފައި ވަނީ މާލޭ ސިޓީ ކައުންސިލަށް އެމްޑީޕީގެ ޓިކެޓްގައި ވާދަކުރައްވާ އެމްޓީސީސީގެ ކުރީގެ ސީއީއޯ އާދަމް އާޒިމް އާއި އެކުގައެވެ.
ރައީސް އޮފީހުގެ ކުރީގެ ސްޕޯކްސް މިއުވާން މުހައްމަދު ހުށަހަޅާދޭ މި ޝޯ ކުރިއަށް ދާނީ މިރޭގެ 09:00 އިން ފެށިގެންނެވެ.
މި ދަރުބާރުގައި ބައިވެރިވާ ފަރާތްތަކަށް އާޒިމް އާއި ސުވާލުކުރުމަށް ފުރުސަތު ލިބިގެންދާނެއެވެ.
ރައްޔިތުންގެ ދަރުބާރު މި ޕްރޮގްރާމަކީ ބެލުންތެރިންގެ މެދުގައި ބަލައިގަންނަ ޕްރޮގްރާމެކެވެ. އެގޮތުން ކުރީގެ ރައީސް އިބްރާހިމް މުހައްމަދު ޞާލިހު އާއި އެކު ވެސް ކުރިން "ރައްޔިތުންގެ ދަރުބާރު" ޕްރޮގްރާމް ވަނީ ގެނެސްދީފައެވެ.
