ގައުމީ ސަލާމަތުގެ ބޭނުންތަކަށް އެތެރެކުރާ ތަކެތިން އިމްޕޯޓު ޑިއުޓީ ކަނޑާލެވޭ ގޮތް ހަދައިފި
އިމްޕޯޓް ޑިއުޓީ މައާފުކުރުމުގައި އަމަލުކުރާނެ އުސޫލަށް 1 ވަނަ އިސްލާހު ވަނީ ގެނެސްފައި
23 ވަނަ ގައުމީ ކެޑޭޓް ކެމްޕުގެ ތެރޭގައި ޑްރިލެއް ދައްކާލަނީ
ގައުމީ ސަލާމަތުގެ ބޭނުންތަކަށް ރާއްޖެ އެތެރެކުރާ ތަކެތިން އިމްޕޯޓު ޑިއުޓީ ކަނޑާލުމުގެ އިޚްތިޔާރު ރައީސުލްޖުމްހޫރިއްޔާއަށް ލިބޭގޮތަށް، އިމްޕޯޓު ޑިއުޓީ މައާފުކުރުމުގެ އުސޫލު އިސްލާހުކޮށްފިއެވެ.
އެގޮތަށް ކަނޑައަޅާފައި ވަނީ ދިވެހިރާއްޖޭގެ އެކްސްޕޯޓު އިމްޕޯޓު ގާނޫނުގެ 8 ވަނަ މާއްދާގެ (ހ) އާއި (ށ)ން ރައީސުލްޖުމްހޫރިއްޔާއަށް ލިބިދޭ އިޚްތިޔާރުގެ ދަށުން، އިމްޕޯޓު ޑިއުޓީ މައާފުކުރުމާއި އިމްޕޯޓު ޑިއުޓީ މައާފުކުރުމުގައި އަމަލުކުރާނެ އުސޫލަށް 1 ވަނަ އިސްލާހު ގެނައުމުގެ އުސޫލުގައެވެ.
އެ އުސޫލުގައި ބުނެފައިވަނީ، ސަލާމަތީ ބޭނުންތަކަށް ރާއްޖެ އެތެރެކުރާ ތަކެތިން އިމްޕޯޓު ޑިއުޓީ ކަނޑާލުމުގެ އިޚްތިޔާރު ރައީސުލްޖުމްހޫރިއްޔާއަށް ލިބިވަޑައިގެންވާކަމަށެވެ. އެހެންނަމަވެސް ހަތިޔާރާއި ވަޒަނާއި އެތަކެތީގެ ބައިތަކުން އަދިވެސް 35 ޕަސެންޓް ޑިއުޓީ ނަގާނެކަމަށެވެ. އެހެންކަމުން އުސޫލަށް އިސްލާހު ގެނައުމާއެކު ރައީސުލްޖުމްހޫރިއްޔާއަށް ޑިއުޓީ މައާފުކުރުމުގެ އިޚްތިޔާރު ލިބެނީ އެނޫން ބާވަތްތަކުންނެވެ.
މީގެ އިތުރުން އިގްތިސާދީގޮތުން ބޭނުންތެރި މަސައްކަތަށް ގެނެވޭ ތަކެތީގެ ޑިއުޓީ މައާފުކޮށްދެވޭ މުއްދަތަށްވެސް، އާ އުސޫލުގައި ވަނީ ބަދަލުގެނެސްފައެވެ.
