ޔުނައިޓެޑް އޮތީ އެއްވަނާގައިވާ ލިވަޕޫލަށްވުރެ 14 ޕޮއިންޓް މަދުކޮށް
މެންޗެސްޓަރ ޔުނައިޓެޑުގެ ކޯޗު އެރިކް ޓެން ހާގް
މެންޗެސްޓާ ޔުނައިޓެޑާ އަލަށް ގުޅުނު ހިއްސާދާރު ޖިމް ރަޓްކްލިފޭ އާއި އޭނާގެ ހިޔާލު ވަރަށް އެއްގޮތް ކަމަށް ކޯޗު އެރިކް ޓެން ހާގް ބުނެފި އެވެ.
އޭނާ މިހެން ބުނީ ޔުނައިޓެޑްގެ 25 ޕަސެންޓް ހިއްސާ ގަތް ރަޓްކްލިފޭ އެ ކުލަބުގެ ޓްރޭނިން ގްރައުންޑަށް ދިއުމުން ބައްދަލުކުރުމަށްފަހު އެވެ.
އޭނާ ބުނީ ޔުނައިޓެޑް ހިންގުމަށް ރަޓްކްލިފޭ ބަދަލުތަކެއް ގެންނާނެ ކަމަށާއި އަދި ޓީމު ވަރުގަދަ ކުރުމުގެ ޕްލޭނެއް ވެސް ގެންގުޅޭ ކަމަށެވެ. އަދި ދެ މީހުންގެ ހިޔާލު އެއްގޮތްވުމުން ގިނަ ކަންކަމުގައި މަސައްކަތް ކުރަން ފަސޭހަވެގެންދާނެ ކަމަށެވެ.
މެންޗެސްޓާ ޔުނައިޓެޑް މިވަގުތު އޮތީ އިނގިރޭސި ޕްރެމިއާ ލީގުގެ ޓޭބަލުގެ އަށް ވަނާގަ އެވެ. އެއީ 31 ޕޮއިންޓާއެކުގަ އެވެ. މިއީ އެއްވަނާގައިވާ ލިވަޕޫލަށްވުރެ 14 ޕޮއިންޓް މަދު އަދަދެކެވެ. މިހެންވެ މި ސީޒަނުގެ ޕްރެމިއާ ލީގު ޔުނައިޓެޑަށް ކާމިޔާބުނުވާނެ ކަމަށް ދެކޭ މީހުންގެ އަދަދު ގިނަ އެވެ.
