ރެއާލް މެޑްރިޑުގައި މިހުރީ އުފަލުން، ބްރެޒިލަށް ނުދިޔައީ މިހެންވެ: އެންޗެލޯޓީ
2 ޖެނުއަރީ 2024 | އަންގާރަ 06:33އޭނާ ބުނީ އެ ކުލަބުން ދާހިތްނުވާކަމަށް
ރެއާލް މެޑްރިޑުގެ ކޯޗު ކާލޯ އަންޗެލޮޓީ
ރެއާލް މެޑްރިޑުގައި އޭނާ ހުރީ ވަރަށް އުފަލުން ކަމަށާއި ބްރެޒިލްގެ ގައުމީ ފުޓްބޯޅަ ޓީމުގެ ކޯޗަކަށްވާން ބޭނުންނުވީ މިހެންވެ ކަމަށް ކޯޗު ކާލޯ އެންޗެލޯޓީ ބުނެފި އެވެ.
އޭނާ މިހެން ބުނީ މި އަހަރުގެ ޖޫން މަހު ބްރެޒިލްގެ ކޯޗަކަށްވާން އަނގަބަހުން އެއްބަސްވުމަށްފަހު އެވެ. އެންޗެލޯޓީ މިހާރު ވަނީ ރެއާލް މެޑްރިޑާއެކު 2026ގެ ނިޔަލަށް ކޯޗުކޮށްދިނުމަށް އެގްރީމަންޓް އައުކޮށްފަ އެވެ.
ޔޫރަޕުގައި ހުރި އެންމެ ކާމިޔާބު އެއް ކޯޗު ކަމަށްވާ އެންޗެލޯޓީ ބުނީ އޭނާގެ އެހީ އަށް ބްރެޒިލްއިން އެދުނު ކަމަށާއި ނަމަވެސް ގައުމީ ޓީމަކަށް ކޯޗުކޮށްދެވޭނީ ގިނަ ކަންކަން ފުރިހަމަވާނެ ކަމުގެ ޔަގީންކަން ލިބުމުން ކަމަށެވެ.
ބްރެޒިލަށް އެންޗެލޯޓީ ނުދާނެކަން ޔަގީންވުމުން އެ ގައުމުން މިހާރު އަމާޒު ޖަހާފައިވަނީ ކުރީގެ ކޯޗު ލުއިސް ފިލިޕޭ ސްކޮލާރީ ގެނައުމަށެވެ.
