ފިނޭންސް މިނިސްޓަރުގެ އެޑްވައިޒަރުކަމުގެ މަގާމަށް 2 ބޭފުޅަކު އައްޔަންކުރައްވައިފި
12 ޑިސެމްބަރު 2023 | އަންގާރަ 07:25މި މަގާމަށް އައްޔަންކުރައްވާފައިވަނީ ކ. މާފުށި، މުސްތަރީގެ، އަހުމަދު ނަސީރު އަދި ދަފްތަރު ނަންބަރު ރސ 99031 އަޙްމަދު މުނައްވަރު
ފިނޭންސް މިނިސްޓަރުގެ އެޑްވައިޒަރުންގެ މަގާމަށް އައްޔަންކުރެއްވި ދެ ބޭފުޅުން
ފިނޭންސް މިނިސްޓަރުގެ އެޑްވައިޒަރުގެ މަގާމަށް 2 ބޭފުޅަކު އައްޔަންކުރައްވައިފިއެވެ.
ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު، އެޑްވައިޒަރ ޓު ދަ މިނިސްޓަރ އޮފް ފިނޭންސްގެ މަގާމަށް އައްޔަންކުރައްވާފައިވަނީ ކ. މާފުށި، މުސްތަރީގެ، އަހުމަދު ނަސީރު އަދި ދަފްތަރު ނަންބަރު ރސ 99031 އަޙްމަދު މުނައްވަރުއެވެ.
މި ދެބޭފުޅުންނަށް މަގާމުގެ ފަތްކޮޅު ދެއްވާފައިވަނީ މިކަމަށްޓަކައި އަންގާރަ ދުވަހުގެ ހެނދުނު ރައީސުލްޖުމްހޫރިއްޔާގެ އޮފީހުގައި ބޭއްވެވި ރަސްމިއްޔާތެއްގައެވެ.
މި ދެބޭފުޅުން އެޑްވައިޒަރ ޓު ދަ މިނިސްޓަރ އޮފް ފިނޭންސްގެ މަގާމަށް ޢައްޔަނުކުރައްވާފައިވަނީ މިނިސްޓަރުންގެ ފެންވަރުގައެވެ. އަދި، ދެ ބޭފުޅުންގެ މަސްޢޫލިއްޔަތުތަކުގެ ތެރޭގައި ވަޒީރުންނަށް ބޭނުންވާ މާލީ އިރުޝާދު ދިނުން ހިމެނެއެވެ.
