ބަނގުރާ ފުޅިތަކަކާ އެކު ހުޅުމާލެ އިން މީހަކު ހައްޔަރުކޮށްފި
69 ބަނގުރާ ފުޅި ވަނީ އަތުލައިގެންފައި
ހުޅުމާލެއިން އަތުލައިގަތް ބަނގުރާ
ބަނގުރާ ފުޅިތަކަކާ އެކު ހުޅުމާލެ އިން މީހަކު ހައްޔަރުކޮށްފިއެވެ.
ދިވެހި ފުލުހުންގެ ޚިދުމަތުން ބުނީ މި މައްސަލައިގައި ހައްޔަރު ކޮށްފައިވަނީ 31 އަހަރުގެ ބިދޭސީ ފިރިހެނެއް ކަމަށެވެ. އޭނާ ހައްޔަރު ކުރީ ހުޅުމަލެ ފުރަތަމަ ފިޔަވަހީގެ ޕޮލިސް ސްޓޭޝަނުން ހިންގި އޮޕަރޭޝަނެއްގައި ކަމަށްވެސް ބުންޏެވެ.
ހޯމަ ދުވަހު ހުޅުމާލެ ފުލުހުން ހިންގި މި އޮޕަރޭޝަނުގައި ބަނގުރާ ފުޅި ފެނިފައިވަނީ އޭނާ ދުއްވި ކާރު ބަލައި ފާސްކުރިއިރު ކަމަށް ފުލުހުން ބުންޏެވެ. އޭނާގެ ކާރުން 69 ބަނގުރާ ފުޅި ފެނިފައިވާ ކަމަށް ފުލުހުން ބުންޏެވެ.
މި މައްސަލައާ ގުޅިގެން އޭނާގެ ބަންދާމެދު ގޮތެއް ނިންމުމަށް ހުޅުމާލެ މެޖިސްޓްރޭޓް ކޯޓަށް ހާޒިރުކުރުމުން 15 ދުވަހަށް ބަންދުކުރުމަށް އަމުރުކޮށްފައިވާ ކަމަށް ވެސް ދިވެހި ފުލުހުންގެ ޚިދުމަތުން ބުންޏެވެ.
މި މައްސަލަަ ހުޅުމާލެ ފޭސް 1 ޕޮލިސް ސްޓޭޝަނުން ދަނީ އިތުރަށް ތަހުގީގު ކުރަމުންނެވެ.
