މިމަހުގެ 10 ވަނަ ދުވަހު ފަށާނެކަމަށް އެފްއޭއެމްއިން އިއުލާންކުރި ދެވަނަ ޑިވިޝަން ފުޓްބޯޅަ މުބާރާތް ފެށުން އެއަށްވުރެ ފަސްވާނެކަމަށް އެ އިދާރާއިން ބުނެފިއެވެ.
ޖެނެރަލް ސެކްރެޓަރީ ޖައުޝަން ވިދާޅުވީ، މުބާރާތް އެ ތާރީޚަށްވުރެ ފަސްވާނެކަމަށާއި, ފަށާނެ ދުވަސް ވަރަށް އަވަހަށް އިއުލާންކުރާނެ ކަމަށެވެ. މުބާރާތް ފެށުން މިމަހުގެ 10 ވަނަ ދުވަހަށް ފަސްކުރީވެސް ބައެއް ކްލަބްތަކުން ބިދޭސީ ކުޅުންތެރިން ގެނެސް ޕްރެކްޓިސް ފެށިފަހުންނެވެ. މުބާރާތް ފެށުން ފަސްވިއިރު، އެމުބާރާތް ރާވައި ހިންގުމުގެ ގާބިލްކަން އިދާރާގެ އެތެރޭގައެއް ނެތެވެ. އެ މުބާރާތް ހިލޭ ސާބަހަށް ރާވައި، ހިންގައި، ކުރިއަށް ގެންދިއުމަށް ހަވާލުވީ ބުރު ސްޕޯރޓްސް ކްލަބުގެ ކޯޗު މުހައްމަދު ނިޒާމެވެ. ކްލަބްތަކުން މިހާރު މުބާރާތާ ގުޅޭގޮތުން މުއާމަލާތްކުރަން ޖެހެނީވެސް ނިޒާމާއެވެ.
މުބާރާތް ފެށުން ލަސްވިިއިރު، މުބާރާތުގެ ގަވާއިދެއް, އަދި ފުރަތަމަ ޑިވިޝަނަށް ކޮލިފައިވާނީ ކިތައް ޓީމު ކަމެއްވެސް ނޭނގެއެވެ. މި އަހަރު ފުރަތަމަ ޑިވިޝަނަށް ކުރީގެ ގަދަ ދެ ބާރު ކަމަށްވާ ނިއުރޭޑިއަންޓާއި ވިކްޓްރީގެ އިތުރުން، ލެގޫންސާއި މަސްއޮޑި ސްޕޯރޓްސް ކްލަބްވެސް ދަނީ ވަރަށް ރަނގަޅަށް ތައްޔާރުވަމުންނެވެ.
