މިނިވަންވުމަށް ގޮވާލާ ބާއްވާ އެއްވުން މިއަދު
26 ޖުލައި 2017 | ބުދަ 08:36އެއްވުން އޮތީ ހަވީރު 4:30ގައި އެމްޑީޕީގެ ހަރުގެ ކައިރީގައި
މ. ކުނޫޒުގައި ކުރިއަށްދިޔަ ޖަލްސާގެ ތެރެއިން
މިނިވަންވުމަށް ގޮވާލާ އެއްވުމާއި ހިނގާލުން މިއަދާއި މިރޭ ކުރިއަށްދާނެ ކަމަށް އިދިކޮޅު ފަރާތްތަކުން ބުނެފިއެވެ.
އެގޮތުން މިނިވަން ކަމަށް ގޮވާލާ ބާއްވާ އެއްވުން ޖުލައި 26 ވަނަ ދުވަހުގެ ހަވީރު 4:30ގައި އެމްޑީޕީގެ ހަރުގެ ކައިރީގައި އޮންނާނެ ކަމަށާއި އަދި މިނިވަންވުމަށް ގޮވާލާ ބާއްވާ ހިނގާލުން ބުދަ ދުވަހުގެރޭ 8:30ގައި ކުނޫޒު ކުރިމަތި އަދި އެމްޑީޕީ އޮފީސް ކުރިމަތީގައި އޮންނާނެ ކަމަށެވެ.
ރައްޔިތުންގެ ބަދަލުގެ ނަމުގެ އިދިކޮޅު ފަރާތްތަކުން ގިނަ ހަރަކާތްތައް ހިންގަމުންދާއިރު ހަފްތާ ބަންދާ ދިމާކޮށް ޖުލައި މަހުގެ ކުރީގެ ކޮޅުވެސް ވަނީ ރާއްޖޭގެ އެކި ސަރަހައްދުތަކުގައި ޖަލްސާތަކާއި ރައްޔިތުންނާއި ބައްދަލުކުރުންތައް ކުރިއަށް ގެންގޮސްފައެވެ.
އަދި ރާއްޖޭގެ ސިޔާސީ މަސްރަހުގައި ހިނގަމުންދާ ކަންކަމާއި ގުޅޭގޮތުން ރައްޔިތުންގެ ހުރި ކަންބޮޑުވުންތަކާއި ގުޅިގެން އިދިކޮޅު ފަރާތްތަކުން ވަނީ އޮޅުން ފިލުވައިދީފައެވެ.
އެއްވެ އުޅުމާއި ހިޔާލު ފާޅު ކުރުމުގެ މިނިވަންކަމުގެ ދަށުން ކުރިން އެންގުމަކާއި ނުލައި އެއްވެވޭނެ ކަމަށް އޮތް ނަމަވެސް މިޤާނޫނުގެ ދަށުން ހެދި ގަވާއިދަކުން ވަނީ އެއްވެ އުޅެވޭނީ ވަކި ތަނެއްގައި ކަމަށާއި އެއްވުމެއް ބޭއްވުމުގެ ކުރިން ފުލުހުންނަށް އެކަން އަންގަން ވާނެ ކަމަށެވެ.
