އެކްޓިން ކޮމިޝަނަރ އޮފް ޕޮލިސްގެ މަގާމަށް އެސިސްޓެންޓް ކޮމިޝަނަރ އޮފް ޕޮލިސް ފަރުހާދު ފިކްރީ އައްޔަންކޮށްފިއެވެ.
އޭނާ އެ މަގާމަށް އައްޔަން ކުރިކަން ހޯމް މިނިސްޓަރު އަލީ އިހުސާން ވަނީ އެކްސް މެދުވެރިކޮށް ހޮނިހިރު ދުވަހު ހާމަކުރައްވާފައެވެ.
އެކްޓިން ކޮމިޝަނަރަކަށް ފަރުހާދު އައްޔަންކޮށްފައިވަނީ ކޮމިޝަނަރ އޮފް ޕޮލިސްގެ މަގާމުގައި ހުންނެވި މުޙައްމަދު ހަމީދު ރިޓަރ ކުރެއްވުމުން އެކްޓިން ކޮމިޝަނަރަކަށް އައްޔަން ކުރި ޑެޕިއުޓީ ކޮމިޝަނަރު އަބްދުލް މަންނާނު ޔޫސުފްވެސް ރިޓަޔަރ ކުރައްވާފައިވާތީއެވެ.
މަންނާނުގެ އިތުރުން ޑެޕިއުޓީ ކޮމިޝަނަރުގެ ރޭންކުގައި ހުންނެވި އަލީ ރަޝީދު ވެސް ވަނީ ހޮނހިރު ދުވަހު މަގާމުން ރިޓަޔަރ ކުރައްވާފައެވެ.
އެ ދެ ބޭފުޅުން ރިޓަޔަރ ކުރެއްވުމުން ޤާނޫނުގެ ދަށުން ޕޮލިސް ބޯޑުގެ ލަފަޔާއެކު އެކްޓިން ކޮމިޝަނަރަކަށް ފަރުހާދު އައްޔަން ކުރެއްވީ ހޯމް މިނިސްޓަރެވެ.
