ބޯކޮށް ވާރޭ ވެހޭނެ ކަމަށް ލަފާކޮށް، މުޅި ރާއްޖެއަށް ހުދު ސަމާލު ނެރެފި
24 ނޮވެމްބަރު 2023 | ހުކުރު 06:41ވިލާގަނޑުގައި 35 މޭލަށް ވައިގަދަ ވާނެ ކަމަށް އެ އިދާރާއިން ލަފާކުރޭ
މި ސަމާލު ނެރެފައިވަނީ ހުކުރު ދުވަހުގެ ހެނދުނުގެ 9 އިން މެންދުުރު ފަހު ތިނެއް ޖެހުމުގެ ނިޔަލަށް
ބޯކޮށް ވާރޭ ވެހުމާއެކު، ގުގުރާނެ ކަމަށް ލަފާކުރާތީ، މޫސުމާ ބެހޭ ގައުމީ އިދާރާއިން މުޅި ރާއްޖެއަށް ހުދު ސަމާލު ނެރެފި އެވެ.
ހުކުރު ދުވަހު ދެވަނަ ފަހަރަށް ނެރުނު ހުދު ސަމާލުގައި ބުނީ، މި ސަމާލު ނެރެފައިވަނީ ހުކުރު ދުވަހުގެ ހެނދުނުގެ 9 އިން މެންދުުރު ފަހު ތިނެއް ޖެހުމުގެ ނިޔަލަށް ކަމަށެވެ.
އެގޮތުން މުޅި ރާއްޖެއަށް ވިއްސާރަ ކުރާނެ ކަމަށާއި ބޯކޮށް ވާރޭ ވެހުމާއެކު، ގުގުރާނެ ކަމަށް އަދި ވިލާގަނޑުގައި 35 މޭލަށް ވައިގަދަ ވާނެ ކަމަށް އެ އިދާރާއިން ވަނީ ލަފާކޮށްފަ އެވެ.
މީގެއިތުރުން ކަނޑުތައް އާދައިގެ ވަރަކަށް މަޑުވާނެ ކަމަށާއި ރާޅުގެ އުސްމިން ހުންނާނެ ކަމަށް ލަފާކުރެވެނީ ދެ ފޫޓާއި ހަތަރު ފޫޓާ ދެމެދުގައި އެވެ.
މޫސުމާ ބެހޭ އިދާރާއިން ހުދު ސަމާލު ނެރުނު އިރު، ބުރާސްފަތި ދުވަހުގެ ރެއިން ފެށިގެން ހުކުރު ދުވަހުގެ ހެނދުނާ ހަމައަށް ވެސް މުޅި ރާއްޖެއަށް ވިއްސާރަވާނެ ކަމަށް ލަފާކޮށް ހުދު ސަމާލެއް ނެރެފައިވެ އެވެ.
