ފުޑް ސޭފްޓީ މެނޭޖްމަންޓްއިން މޯލްޑިވްސް ފުޑް ސެކްޓަރ ވާރކްޝޮޕް ކުރިއަށް ގެންގޮސްފި
22 ނޮވެމްބަރު 2023 | ބުދަ 02:54ރާއްޖެއިން ބޭރުން ހަދާ ޓެސްޓްތަކުގެ މައުލޫމާތުތައް ހިއްސާކޮށްފައިވޭ
ފުޑް ސޭފްޓީ މެނޭޖްމަންޓް ވާރކްޝޮޕްގެ ތެރެއިން
ފުޑް ސޭފްޓީ މެނޭޖްމަންޓް އިން މޯލްޑިވްސް ފުޑް ސެކްޓަރ ވާރކްޝޮޕް އަންގާރަ ދުވަހު ކުރިއަށް ގެންގޮސްފިއެވެ.
މި ވާރކްޝޮޕަކީ އެންޝުއަރ މޯލްޑިވްސް އާއި ރާއްޖެއިން ބޭރުގެ ކުންފުންޏެއް ކަމަށްވާ ބިއުރޯވެރިޓާސް ގުޅިގެން މޯލްޑިވްސް ފުޑް އެންޑް ޑްރަގް އޮތޯރިޓީ (އެމްއެފްޑީއޭ)ގެ ބައިވެރިވުމާއެކު ބޭއްވި ވާރކްޝޮޕެކެވެ.
އެމްއެފްޑީއޭ އިން ބުނީ މި ވާރކްޝޮޕްގައި ގިނަ މީހުން ބައިވެރިވެފައިވާއިރު މިއީ ވަރަށް މުހިންމު ވާރކްޝޮޕެއް ކަމަށެވެ. އެގޮތުން އިންޓަރނޭޝަނަލް ސްޑޭންޑަޑްތައް ކިޔައިދީފައިވާއިރު ރާއްޖެއިން ބޭރުން ހަދާ ޓެސްޓްތަކުގެ މައުލޫމާތުތައް ވެސް ދީފައިވާ ކަމަށެވެ.
އެފަދަ މައުލޫމާތުތަކުގެ ތެރޭގައި ޓެކްނިކަލް މައުލޫމާތާއި އެންމެ ބޭސިކް މައުލޫމާތުތައް ރާއްޖޭގެ ފުޑް އިންޑަސްޓްރީގައި ހަރަކާތްތެރިވާ މީހުންނަށް ވަނީ ކިޔައިދީފައެވެ. އެމްއެފްޑީއޭ އިން ބުނީ މީގެކުރިން ފުޑް އިންޑަސްޓްރީގައި ހަރަކާތްތެރިވާ ފަރާތްތަކަށް މިފަދަ ތަފާތު ވާރކްޝޮޕްތައް ހިންގާފައިވާ ކަމަށެވެ.
