ޑެފިޓެލިއޯގެ ފޯލްސިފައިންޑް ބެޗްތަކެއް ސަމާލުވުމަށް އިލްތިމާސްކޮށްފި
މި ބޭސް ޔޫރަޕުގެ ތުރުކީގައި އަދި ދެކުނު އިރުމަތީ އޭޝިއާގެ އިންޑިޔާގައި ދައުރުވަމުންދޭ
ހެލްތް މިނިސްޓްރީ
ޑެފިޓެލިއޯ (ޑެފިބްރޮޓައިޑް ސޯޑިއަމް) ގެ ފޯލްސިފައިންޑް، ނުވަތަ ފޭކް ބެޗްތަކަކަށް ސަމާލުވުމަށް މޯލްޑިވްސް ފުޑް އެންޑް ޑްރަގް އޮތޯރިޓީން އިލްތިމާސްކޮށްފިއެވެ.
އެއޮތޯރިޓީން ބުނީ ޑެފިޓެލިއޯގެ ފޯލްސިފައިންޑް(އަސްލު ނޫން) ބެޗްތަކެއް ޔޫރަޕުގެ ތުރުކީގައި އަދި ދެކުނު އިރުމަތީ އޭޝިއާގެ އިންޑިޔާގައި ދައުރުވަމުންދާ ކަމަށް ޑަބްލިއުއެޗްއޯގެ އެލާޓް ކޮށްފައިވާ ކަމަށެވެ.
މިބޭހުގެ ފޯލްސިފައިޑް ބަޗްތަކެއް މީގެ ކުރިންވެސް ޔުނައިޓެޑް އެރެބް އެމިރޭޓްސްއިންނާއި ކިރްގިސްތާން އިން ފެނިފައިވާ ކަމަށް ޑަބްލިއުއެޗްއޯގެ އެލާޓް ކޮށްފައިވާ ކަމަށް ފުޑް އެންޑް ޑްރަގް އޮތޯރިޓީން ބުނެއެވެ.
މީގެ އިތުރުން އެއޮތޯރިޓީން ބުނީ މިބޭހަކީ ރާއްޖެއަށް އިމްޕޯރޓް ކުރުމާއި ވިއްކުމަށް ހުއްދަ ކުރާ ބޭހުގެ ތެރޭގައި ހިމެނޭ ބޭހެއް ނޫން ކަމަށެވެ. ނަމަވެސް ރާއްޖެއިން ބޭރުން ބޭސްފަރުވާ ކުރާ ފަރާތްތަކުންނާއި ނުވަތަ އަމިއްލަ ގޮތުން ބޭސް ސިޓީއަށް ބޭސް އެތެރެކޮށް ބޭނުންކުރާ ނަމަ ޑެފިޓެލިއޯގެ ފޯލްސިފައިންޑް ބެޗްތަކެއް ސަމާލުވާންޖެހޭ ކަމަށެވެ.
ފުޑް އެންޑް ޑްރަގް އޮތޯރިޓީން ބުނީ ރައްކާތެރިކަމުގެ ފިޔަވަޅެއްގެ ގޮތުން ބޭސް ސިޓީއަށް ރާއްޖެއަށް އިމްޕޯރޓް ކުރާ ބޭސް ޚާއްސަ ސަމާލުކަމެއްދީގެން ޕޯރޓްތަކުގައި ބަލައި ފާސްކުރަމުން ގެންދާނެ ކަމަށެވެ.
އިތުރު މައުލޫމާތު ބޭނުންވާނަމަ އޮތޯރިޓީގެ މެޑިސިން އެންޑް ތެރަޕިއުޓިކް ގުޑްސް ޑިވިޝަންގެ ހޮޓްލައިން ނަންބަރަށް ގުޅުމަށް ވަނީ އެދިފައެވެ.
