ހަތަރު ވުޒާރާއަކަށް ވަގުތީ ޕާމަނަންޓް ސެކްރެޓަރީން އައްޔަންކޮށް، ދާއިމީ ޕާމަނަންޓް ސެކްރެޓަރީން ހޯދަނީ
19 ނޮވެމްބަރު 2023 | އާދީއްތަ 08:04ޕީއެސްގެ މަގާމަށް ހުށަހެޅުމުގެ ފުރުސަތު ހުޅުވާލާފައި ވަނީ މި މަހުގެ 30 ގެ ނިޔަލަށް
ވެލާނާގެ
އަލަށް އުފެއްދި 4 ވުޒާރާއަކަށް ވަގުތީ ޕާމަނަންޓް ސެކްރެޓަރީން އައްޔަންކޮށް، ދާއިމީ ޕާމަނަންޓް ސެކްރެޓަރީން ހޯދަން އިއުލާންކޮށްފިއެވެ.
ސަރުކާރުން ވަގުތީ ޕާމަނަންޓު ސެކްރެޓަރީން އައްޔަންކޮށްފައިވަނީ ސިޓީތަކާއި އިދާރީ ދާއިރާތައް ހިންގުމާއި އާންމު މަސައްކަތާއިބެހޭ ވުޒާރާ އާއި ޒުވާނުން ބާރުވެރިކުރުވުމާއި މައުލޫމާތާއި ފަންނާ ބެހޭ ވުޒާރާ އާއި އިމާރާތްކުރުމާއި ބިނާރާއި ބެހޭ ވުޒާރާގެ އިތުރުން ދަނޑުވެރިކަމާއި ދިރޭތަކެއްޗާ ބެހޭ ވުޒާރާއަށެވެ.
ސިޓީތަކާއި އިދާރީ ދާއިރާތައް ހިންގުމާއި އާންމު މަސައްކަތާއިބެހޭ ވުޒާރާ އިލްޔާސް އަހުމަދު އައްޔަން ކުރައްވާފައިވާއިރު ޒުވާނުން ބާރުވެރިކުރުވުމާއި މައުލޫމާތާއި ފަންނާ ބެހޭ ވުޒާރާއަށް އައްޔަން ކުރައްވާފައިވަނީ ފާތިމަތު އަހުމަދެވެ. އަދި އިމާރާތްކުރުމާއި ބިނާރާއި ބެހޭ ވުޒާރާއަށް އަހުމަދު ތޮލްހަތު އައްޔަންކުރައްވާފައިވާއިރު ދަނޑުވެރިކަމާއި ދިރޭތަކެއްޗާ ބެހޭ ވުޒާރާއަށް އައްޔަން ކުރައްވާފައިވަނީ އިސްމާއީލް ރަޝީދެވެ.
ވަގުތީ ޕީއެސްއިން އައްޔަން ކުރި މިނިސްޓްރީތަކުގެ އެ މަގާމަށް ދާއިމީ މުވައްޒަފުން ހޯދަން ވެސް ވަނީ އިއުލާނު ކޮށްފައެވެ. ޕީއެސްގެ މަގާމަށް ހުށަހެޅުމުގެ ފުރުސަތު ހުޅުވާލާފައި ވަނީ މި މަހުގެ 30 ގެ ނިޔަލަށެވެ.
ސަރުކާރުގެ އިދާރާތަކުގެ އިދާރީ އޮނިގަނޑަށް ގެނެވުނު ބަދަލުތަކާ ގުޅިގެން އިދާރާތަކުގެ މަސައްކަތް ފެށުމަށް ތައްޔާރުވުމުގެ ގޮތުން ޕަރމަނަންޓް ސެކްރެޓަރީންނާއި، ޕަރމަނަންޓް ސެކްރެޓަރީންގެ މަސްއޫލިއްޔަތު ވަގުތީ ގޮތުން ހަވާލުކުރެވޭ މުވައްޒަފުންނާ ސިވިލް ސަރވިސް ކޮމިޝަނުން ހޮނިހިރު ދުވަހު ބައްދަލުކޮށްފައެވެ.
ޕާމަނަންޓް ސެކްރެޓަރީންނަކީ އެ ވުޒާރާއެއްގެ ސިވިލް ސާރވިސްގެ މުވައްޒަފުންގެ އެންމެ އިސް ވެރިޔާއެވެ.
