ހއ. އަތޮޅު ތައުލީމީ މަރުކަޒުގެ 12 ކްލާސްރޫމް އަދި އޮފީސް އިމާރާތް ރަސްމީކޮށް ހުޅުވައިފި
16 ނޮވެމްބަރު 2023 | ބުރާސްފަތި 03:01މި މަޝްރޫއުގެ މަސައްކަތް ކޮށްފައިވަނީ ވޭވް ލެންތު ޕްރައިވެޓް ލިމިޓެޑުން
ހއ. އަތޮޅު ތައުލީމީ މަރުކަޒުގެ 12 ކްލާސްރޫމް އަދި އޮފީސް އިމާރާތް ރަސްމީކޮށް ހުޅުވުމަށްފަހު ބޭއްވި ޚާއްސަ ރަސްމިއްޔާތުގެ ތެރެއިން
ހއ. އަތޮޅު ތައުލީމީ މަރުކަޒުގެ 12 ކްލާސްރޫމް އަދި އޮފީސް އިމާރާތް ރަސްމީކޮށް ހުޅުވައިފިއެވެ.
ބުދަ ދުވަހު ބޭއްވި ޚާއްސަ ރަސްމިއްޔާތެއްގައި މި އިމާރާތް ހުޅުއްވައިދެއްވީ އެޑިއުކޭޝަން މިނިސްޓްރީގެ ސްޓޭޓް މިނިސްޓަރު ޑރ.އަބްދުﷲ ރަޝީދު އަހުމަދެވެ.
ހއ. އަތޮޅު ތައުލީމީ މަރުކަޒުގައި އަލަށް ހުޅުވި 12 ކްލާސްރޫމާއި، އޮފީސް އިމާރާތުގެ ސަބަބުން ސްކޫލުގެ ދަރިވަރުންނަށާއި ޓީޗަރުންނަށް ވަރަށް ބޮޑެތި ފަސޭހަތަކެއް ލިބޭނެ ކަމަށާއި މީގެ ކުރިން ދިމާވި ޖާގައިގެ ދަތިކަމަށް ހައްލެއް ލިބޭނެ ކަމަށް އެޑިއުކޭޝަން މިނިސްޓްރީން ބުނެއެވެ. އަދި އިތުރު ހަރަކާތްތައް ހިންގުމަށްށާއި، ޖާގަ ތަނަވަސް ފަސޭހަ މާހައުލެއްގައި ކިޔެވުމުގެ ފުރުސަތު ދަރިވަރުންނަށް ލިބޭނެ ކަމަށް މިނިސްޓްރީން ބުނެއެވެ.
ޕީއެސްއައިޕީގެ ދަށުން ކުރިއަށް ގެންދިޔަ މިމަޝްރޫއުގެ މަސައްކަތް ކޮށްފައިވަނީ ވޭވް ލެންތު ޕްރައިވެޓް ލިމިޓެޑުންނެވެ. އެ ކުންފުންޏާއި މިމަސައްކަތް ހަވާލުކޮށްފައިވަނީ 2021ގެ ތެރޭގައެވެ.
މިމަޝްރޫއަށް 12.3 މިލިއަން ރުފިޔާ ހޭދަކޮށްފައިވެއެވެ.
