މި އެހީ ހޯދުމަށް 43 ފަރާތެއް ޕްރޮޕޯސަލް ހުށަހެޅިއިރު، އެހީ ލިބުނީ ހަތް ފަރާތަކަށް
"ވެށި ސްމޯލް ގްރާންޓް" ޕްރޮގްރާމުގެ ދަށުން، އެހީ ލިބޭ ހަތް ފަރާތަށް ލިޔުން ހަވާލުކުރުން
އެންވަޔަރަމަންޓް މިނިސްޓްރީގެ "ވެށި ސްމޯލް ގްރާންޓް" ޕްރޮގްރާމުގެ ދަށުން، އެހީ ލިބޭ ހަތް ފަރާތަށް ލިޔުން ހަވާލުކޮށްފިއެވެ.
އެހީ ލިބުނުކަމުގެ ލިޔުން އެ ފަރާތްތަކާ ހަވާލުކުރުމަށް ބުދަ ދުވަހު ވަނީ ރަސްމިއްޔާތެއް ބާއްވާފައެވެ. މި ރަސްމިއްޔާތުގައި އެ ފަރާތްތަކަށް ލިޔުން ހަވާލުކޮށްދެއްވީ އެންވަޔަރަމަންޓް މިނިސްޓަރު، އާމިނަތު ޝައުނާ އެވެ.
މި ޕްރޮޖެކްޓުގެ ދަށުން އެހީ ހޯދުމަށް އެދި 43 ފަރާތެއް ޕްރޮޕޯސަލް ހުށަހެޅިއެވެ. އޭގެތެރޭގައި އެކި ރަށްތަކުގެ ކައުންސިލުތަކާއި އަދި ޖަމިއްޔާތައް ހިމެނެއެވެ.
މި ޕްރޮޖެކްޓުގެ އެހީތައް ލިބުނު ހަތް ފަރާތަކީ:
މި ރަސްމިއްޔާތުގައި ވާހަކަފުޅުދައްކަވަމުން އެންވަޔަރަމަންޓް މިނިސްޓަރު އާމިނަތު ޝައުނާ ވަނީ، ކެމިކަލް ރަނގަޅު ނޫންގޮތުގައި މެނޭޖްކުރުމުގެ ސަބަބުން ދިމާވާ ސިއްހީ އަދި ތިމާވެށީގެ މައްސަލަތަކަށް އަލިއަޅުއްވައި ވާހަކަފުޅުދައްކަވާފައެވެ.
އަދި އެފަދަ ތަކެތި ރަނގަޅުގޮތުގައި ނައްތައިލުމުގެ ނިޒާމުތައް ގާއިމުކުރުމަށް މިނިސްޓްރީން ގެންގުޅޭ ސިޔާސަތާއި ކުރާ މަސައްކަތުގެ އިތުރުން، ޕޮލިއުޝަން މިންވަރު ބެލުމަށް މިނިސްޓްރީން ތިލަފުށީގައި ހިންގި ދިރާސާއާ ބެހޭގޮތުންވެސް މިނިސްޓަރު ޝައުނާ ވަނީ ވާހަކަފުޅުދައްކަވާފައެވެ.
