ފޮށިން ފިސްތޯލައެއް ފެނިގެން ލަންކާ އެއާޕޯޓުން ދިވެއްސަކު ހައްޔަރުކޮށްފި
ލަންކާގެ ފުލުހުންގެ ހައްޔަރަށް ގެންދިޔައީ 58 އަހަރުގެ ދިވެހި ފިރިހެނެއް
އަޙްމަދު ސަދޫފް މޫސާ | 12 ނޮވެމްބަރު 2023 | އާދީއްތަ 04:04
ބަންޑާރަނައިކަ އިންޓަނޭޝަނަލް އެއާޕޯޓް
ސްރީލަންކާގެ ބަންޑާރަނައިކަ އިންޓަނޭޝަނަލް އެއާޕޯޓް (ބީއައިއޭ) އިން ފުރަން ދިޔަ ދިވެއްސެއްގެ ފޮށިން ފިސްތޯލައެއް ފެނިގެން، އެގައުމުގެ ފުލުހުން އޭނާ ހައްޔަރުކޮށްފި އެވެ.
ލަންކާގެ ފުލުހުންނާ ހަވާލާދީ އެގައުމުގެ ބައެއް ނޫސްތަކުގައި ރިޕޯޓުކޮށްފައިވާ ގޮތުން، ލަންކާގެ ފުލުހުންގެ ހައްޔަރަށް ގެންދިޔައީ 58 އަހަރުގެ ދިވެހި ފިރިހެނެކެވެ. އޭނާ ހައްޔަރަށް ގެންގޮސްފައިވަނީ އެ ގައުމުގެ ގަޑިން ރޭ 11 ޖެހި އިރު އެވެ.
މި މައްސަލަ އެގައުމުގެ ފުލުހުން ދަނީ ތަހުގީގު ކުރަމުންނެވެ.
